ம.பியில் தாமரை குளங்களை மூடக் கோரிய காங். கோரிக்கை நிராகரிப்பு

போபால்: மத்திய பிரதேச மாநிலத்தில் சட்டசபை தேர்தல் நடைபெறுவதால் தாமரை குளங்களை மூட வேண்டும் என்ற காங்கிரஸ் கட்சியின் கோரிக்கையை தேர்தல் ஆணையம் நிராகரித்துள்ளது.

மத்தியப் பிரதேசத்தில் சட்டசபை தேர்தலுக்கான பிரச்சாரம் சூடுபிடித்துள்ளது. இந் பாஜகவின் தேர்தல் சின்னமான தாமரை மலர் பூத்துக் குலுங்கும் குளங்களையும் பொதுமக்களின் பார்வையில் படாத வகையில் மூட வேண்டும் என்று காங்கிரஸ் கட்சி மாநில தேர்தல் ஆணையத்திடம் கோரிக்கை வைத்தது.

இதற்கு பதிலடியாக காங்கிரஸின் தேர்தல் சின்னம் கை என்பதால் பொதுமக்கள் கைகளை மறைத்துக் கொள்ள வேண்டுமா என்று பாஜக கேள்வி எழுப்பியிருந்தது.

இந்நிலையில் காங்கிரஸின் கோரிக்கையை தேர்தல் ஆணையம் நிராகரித்துவிட்டது. தாமரை குளங்களை மூடுவது நடைமுறை சாத்தியமற்றது என்பது தேர்தல் ஆணையத்தின் கருத்து.

English summary

The Congress in Madhya Pradesh has made an unusual request to the Election Commission asking it to hide lotus ponds in the state so that voters are not unfairly drawn to the BJP. The Election Commission in MP has rejected this request saying it was impractical and unfeasible.