வீட்டில் உட்கார்ந்து டிவியில் ஹாயாக தேர்தல் முடிவுகளை பார்த்த மோடி

காந்திநகர்: பாஜக பிரதமர் வேட்பாளரான மோடி காந்திநகரில் உள்ள தனது வீட்டில் டிவியில் தேர்தல் முடிவுகளை பார்த்து வந்தார்.

நாடாளுமன்ற தேர்தலில் பதிவான வாக்குகள் இன்று காலை 8 மணி முதல் எண்ணப்பட்டு முடிவுகள் அறிவிக்கப்பட்டது. இதில் பாஜக தலைமையிலான தேசிய ஜனநாயக கூட்டணி பெரும்பாலான இடங்களில் வெற்றி பெற்றுள்ளது. பாஜக பிரதமர் வேட்பாளரான மோடி காந்திநகரில் உள்ள தனது வீட்டில் அமர்ந்து டிவியில் தேர்தல் முடிவுகளை பார்த்து வந்தார்.

தான் போட்டியிட்ட வதோதரா மற்றும் வாரனாசியில் மோடி வெற்றி பெற்றார். இதையடுத்து அவர் வீட்டில் இருந்து கிளம்பிச் சென்று தனது தாய் ஹிராபென்னை சந்தித்து ஆசி பெற்றார். ஹிராபென் மோடிக்கு இனிப்பு ஊட்டி வாழ்த்து தெரிவித்தார்.

அதன் பிறகு அவர் வதோதராவில் நடந்த கூட்டத்தில் கலந்து கொண்டு தனக்கு வாக்களித்த மக்களுக்கு நன்றி தெரிவித்தார்.

English summary

BJP's PM candidate Modi watched the election results by sitting infront of a TV at his residence in Gandhinagar.