இந்த முறை வேற மாதிரி.. தெற்கே, கிழக்கேயும் விடாத பாஜக.. நாடு முழுக்க கால் பதிக்கிறது?- எக்ஸிட் போல்

டெல்லி: லோக்சபா தேர்தலின் இறுதிக்கட்ட வாக்குப் பதிவும் முடிவடைந்துள்ள நிலையில், பிரதமர் நரேந்திர மோடி மூன்றாவது முறையாக அரியணை ஏறப்போகிறார் என பல்வேறு எக்ஸிட் போல் கணிப்புகள் கூறுகின்றன.

ஏழு கருத்துக் கணிப்புகளின்படி NDA 361 இடங்களையும், இந்தியா கூட்டணி 145 இடங்களையும் பெறும் என்று தெரிகிறது. பாஜகவின் தனிப்பட்ட வெற்றி 311 இடங்களில் என சராசரியாக கணிக்கப்படுகிறது. காங்கிரஸ் 63 இடங்களில் வெல்லலாம். முந்தைய பொதுத் தேர்தலில் பெற்ற 52 இடங்களை விட இது 11 சீட் அதிகமாகும்.

இந்தியா டிவி-சிஎன்எக்ஸ் எக்ஸிட்போல் கருத்துக்கணிப்பு NDA க்கு 371-401 இடங்கள் என்று கணித்துள்ளது.அனைத்து கருத்துக் கணிப்புகளும் தெற்கிலும், மேற்கு வங்காளத்திலும் பாஜக கூட்டணி வளர்ந்துள்ளதாக கூறுகின்றன. ஆந்திராவில், சந்திரபாபு நாயுடுவுடன் கூட்டணி வைத்ததால், மாநிலத்தின் 25 இடங்களில், தேசிய ஜனநாயகக் கூட்டணிக்கு, 18 இடங்கள் கிடைக்கும் என, எதிர்பார்க்கப்படுகிறது.

கர்நாடகாவிலும் பாஜகவுக்கு 20க்கு மேல் தொகுதிகள் கிடைக்கும் என்று கணிக்கப்பட்டுள்ளது. தெலுங்கானாவில், மொத்தமுள்ள 17 இடங்களில் பாஜக பாதிக்கு மேல் வெற்றி பெறும் என எதிர்பார்க்கப்படுகிறது.

தமிழகத்தில் பாஜக குறைந்தது 2 இடங்களிலும், கேரளாவில் ஒரு இடத்திலும் வெற்றி பெறும் என பல்வேறு சர்வேக்களால் கணிக்கப்பட்டுள்ளது. வங்காளத்தில், பாஜக தனது எண்ணிக்கையை 18-ல் இருந்து 22 ஆக அதிகரிக்கும் என்று கணிக்கப்பட்டுள்ளது.

ஒடிசாவில், பாஜக 15 இடங்களில் வெற்றி பெறலாம் எனக் கூறப்படுகிறது. தெற்கே பாஜக கால் பதிப்பதாக எக்ஸிட் போல் முடிவுகள் கூறுகின்றன. இதுதவிர பாஜகவின் வலுவான பகுதிகளான குஜராத், மத்தியப் பிரதேசம், சத்தீஸ்கர், ஜார்க்கண்ட், உத்தரப் பிரதேசம், உத்தரகாண்ட், ஹிமாச்சலப் பிரதேசம், அசாம், டெல்லி ஆகிய மாநிலங்களிலும் பாஜக ஆதிக்கம் செலுத்தும் என எதிர்பார்க்கப்படுகிறது.

டெல்லியில் அரவிந்த் கெஜ்ரிவாலின் ஆம் ஆத்மி கட்சியும், கூட்டணி கட்சியான காங்கிரசும் எந்த இடத்திலும் வெற்றி பெறாது என கணிக்கப்பட்டுள்ளது. இருப்பினும், பஞ்சாபில் உள்ள 13 இடங்களில் காங்கிரஸ் 5 இடங்களிலும், ஆம் ஆத்மி கட்சி 4 இடங்களிலும் வெற்றி பெறும் என எதிர்பார்க்கப்படுகிறது.

ஆக மொத்தம் பரந்துபட்ட செல்வாக்குடன் பாஜக வெற்றி நடை போடுகிறது.

English summary

Exit polls predict Narendra Modi's NDA to secure a third term in the Lok Sabha elections, with projections showing over 361 seats, surpassing the opposition's 145 seats. The BJP alone is expected to win 311 seats, highlighting a significant lead.