பெங்களூரில் ஓலா கேப்ஸ் டிரைவரான பார்முலா ஒன் கார் பந்தய வீரர் நரேன் கார்த்திகேயன்

பெங்களூர்: பார்முலா நம்பர் ஒன் கார் பந்தய வீரரான நரேன் கார்த்திகேயன் பெங்களூரில் ஒரு நாள் ஓலா கேப் டிரைவராக இருந்து பலரையும் வியப்படைய வைத்துள்ளார்.

ஓலா கேப்ஸ் நிறுவனம் தாங்கள் புதிதாக கார்கள் வாங்கியுள்ளதை கொண்டாடும் வகையில் ஓலா பிரைம் டைம் என்ற சிறப்பு நிகழ்ச்சிக்கு ஏற்பாடு செய்தது. அதாவது பார்முலா நம்பர் ஒன் கார் பந்தய வீரரான நரேன் கார்த்திகேயனை ஓலா கேப்ஸ் ஓட்ட வைத்துள்ளனர்.

பெங்களூரில் ஓலா பிரைம் டைம் நிகழ்ச்சிக்காக நரேன் கார்த்திகேயன் 3 இடங்களுக்கு சென்று பயணிகளை காரில் ஏற்றிக் கொண்டு அவர்கள் செல்ல வேண்டிய இடங்களில் இறக்கி விட்டுள்ளார்.

காரி ஏறிய பயணிகளுக்கு அவர்களின் கண்களை அவர்களாலேயே நம்ப முடியவில்லை. காரணம் டிரைவர் சீட்டில் இருந்தது நரேன் கார்த்திகேயன். பக்கத்து சீட்டில் பிரபல காமெடி நடிகர் அபிஷ் மேத்யூ. இது என்ன ஆச்சரியம் என்று பயணிகள் தெரிவித்தனர்.

நரேன் காரை ஓட்ட மேத்யூ ஜோக்கடித்துக் கொண்டே வந்தார். காரில் இருந்து இறங்குகையில் பயணிகள் நரேன் மற்றும் மேத்யூவுடன் செல்ஃபி எடுத்துக் கொண்டனர். நரேன் ஓலா டிரைவராக மாறியது குறித்த வீடியோ யூடியூப்பில் அப்லோட் செய்யப்பட்டுள்ளது.

English summary

A few lucky customers of Olacabs were driven around the city by India's first and only Formula One (F1) driver Narain Karthikeyan as part of the company's "Prime Time" campaign.