பேஸ்புக்கைக் கலக்கும் 'சீனி மாமா'...!

Updated: Monday, October 13, 2014, 19:52 [IST]

Subscribe to Oneindia Tamil

டெல்லி: பேஸ்புக் குசும்பர்களுக்கு தடுக்கி விழுந்தால் லட்டு கிடைக்கும் அளவுக்கு நாட்டு நடப்பு ரொம்பவே பரபரப்பாக உள்ளது. இதனால் கிடைக்கிற வாய்ப்பையெல்லாம் அவர்கள் விடுவதே இல்லை.

இப்படித்தான் சில காலத்திற்கு முன்பு வரை தேமுதிக தலைவர் விஜயகாந்த்தை படு சூடாக, சுவையாக கிண்டலடித்துக் கொண்டிருந்தனர். அவருக்காக தனி பக்கமே தொடங்கப்பட்டு பெரும் பரபரப்பையும் ஏற்படுத்தியது.

இந்த வரிசையில் தற்போது சர்வதேச கிரிக்கெட் கவுன்சில் தலைவர் சீனிவாசனுக்காகவும் ஒரு பிரத்யேக பக்கத்தைத் திறந்து செமையாக கிண்டலடித்துக் கொண்டிருக்கிறார்கள்.

பெயரே களேபரம்...

பக்கத்தின் பெயரே களேபரமாக உள்ளது. அதாவது ஸ்ரீனி மாமா, பிசினஸ்மேன் என்று வைத்துள்ளனர்.

கேம் ஆப் டான்ஸ்...

பக்கத்தின் முகப்புப் படமாக கேம் ஆப் டான்ஸ் என்று வைத்துள்ளனர். அதில் சீனிவாசனை வித்தியாசமான கெட்டப்பில் காட்சி தர வைத்துள்ளனர்.

சிரிச்சு... சிரிச்சு

ஸ்டேட்டஸ் படங்கள், செய்திகள் எல்லாமே சிரிக்க வைக்க வைக்கின்றன. சீனிவாசனே பேசுவது போல இந்த ஸ்டேட்டஸ்கள் இருப்பதுதான் விசேஷமானது.

கண்ணுல தண்ணி வச்சிண்டார்...

அதில் லேட்டஸ்ட் பதிவு இதுதான்.. ரமீஸ் ராஜா கண்ணுல தண்ணி வச்சிண்டார். Thank You Pakistan for making Ramiz to shut the eff up. Indha naal iniya naal for all cricket lovers என்று போடப்பட்டுள்ளது.

லலித் மோடியைக் கிண்டல்...

இன்னொரு ஸ்டேட்டஸில் சிவாஜி படத்தில் ரஜினியும், வில்லன் சுமனும் பேசிக் கொள்ளும் படத்தில் லலித் மோடியைக் கிண்டல் செய்வது போல காமெடி செய்துள்ளனர். அதற்கு சீனிவாசன் தரும் கமெண்ட் இது.. Enna Lalit Modi ipdi ayidichu?

டேய் பசங்களா...

தேவர்மகன் படத்தில் சிவாஜி, கமலிடம் பேசுவது போன்ற டயலாக்கை மாற்றி காமெடி செய்துள்ளனர் ஒரு பதிவில். அதற்கு சீனிவாசன் அடிக்கும் கமெண்ட்... டேய் பசங்களா...#LetsFootball, for a change என்பதாகும்.

ஒளற்ரான்...

அடுத்த பதிவில் ரவீந்திர ஜடேஜாவை கிண்டலடித்துள்ளார் "ஸ்ரீனி மாமா". அதாவது ஜடேஜா ஒளற்ரான்.. என்று நக்கலடித்துள்ளார். ஏண்டா டேய் என்றும் பன்ச் வைத்துள்ளார் சீனி.