கோவா பீச்சில் ரஷ்ய பெண்ணின் ஆடைகளை கிழித்து, தாக்கி நகை பறிப்பு

பனாஜி: கோவா கடற்கரையில் 23 வயது ரஷ்ய பெண்ணுக்கு பாலியல் தொந்தரவு அளித்து அவரை தாக்கி நகை கொள்ளையடிக்கப்பட்டுள்ளது.

கோவா தலைநகர் பனாஜியில் இருந்து 20 கிமீ தொலைவில் உள்ளது பிரபல பாகா கடற்கரை. அந்த கடற்கரையில் 23 வயது ரஷ்ய பெண் ஒருவர் கடந்த சனிக்கிழமை இரவு நடந்து சென்றுள்ளார். அப்போது சிலர் அவரை வழிமறித்து அவரின் கன்னத்தில் அறைந்துள்ளனர். இதில் அதிர்ச்சியடைந்த அந்த பெண்ணின் ஆடைகளை அவர்கள் கிழித்துவிட்டு அவர் அணிந்திருந்த ரூ.33 ஆயிரம் மதிப்புள்ள தங்க சங்கிலியை பறித்துக் கொண்டு ஓடிவிட்டனர்.

இது குறித்து அந்த பெண் காவல் நிலையத்தில் புகார் கொடுத்தார். அவரது புகாரின்பேரில் வழக்குப்பதிவு செய்த போலீசார் குற்றவாளிகளை தேடி வருகிறார்கள். இந்த ஆண்டு சீசன் துவங்கியதில் இருந்து ஒரு பெண்ணிடம் அத்துமீறி நடந்து கொண்டதாக புகார் அளிக்கப்பட்டது இதுவே முதல் முறையாகும்.

அண்மை காலமாக கோவா கடற்கரைகள் வெளிநாட்டு சுற்றுலாப் பயணிகள் அதிலும் பெண்களுக்கு பாதுகாப்பற்றவையாக உள்ளன என்பது குறிப்பிடத்தக்கது.

English summary

A 23-year-old Russian woman was molested, beaten up and robbed at Baga beach, one of Goa's most popular beaches, police said Sunday.