ஜன-15ல் மதச்சார்பற்ற ஜனதா தள வேட்பாளர்கள் பட்டியல் 'ரிலீஸ்'! தேவ கவுடாவின் 2 மருமகள்களும் போட்டி!!!
பெங்களூர்: லோக்சபா தேர்தலில் போட்டியிடும் மதச்சார்பற்ற ஜனதா தளம் கட்சியின் வேட்பாளர்கள் பட்டியல் வெளியிடப்பட இருக்கிறது. அக்கட்சியின் தலைவரும் முன்னாள் பிரதமருமான தேவகவுடாவின் 2 மருமகள்களுமே லோக்சபா தேர்தலில் குதிக்க இருக்கின்றனர்.
பெங்களூரில் மதச்சார்பற்ற ஜனதா தள நிர்வாகிகள் நேற்று முதல் தேர்தல் ஆலோசனையை தொடங்கியுள்ளனர். எந்தெந்தெ தொகுதிகளில் வெற்றி உறுதியானது என்பதை ஆய்வு செய்து வேட்பாளர்களை நிறுத்த மதச்சார்பற்ற ஜனதா தளம் முடிவு செய்துள்ளது. அனேகமாக கர்நாடகாவில் 18 தொகுதிகளில் மதச்சார்பற்ற ஜனதா தளம் போட்டியிடக் கூடும் என எதிர்பார்க்கப்படுகிறது.
இந்த ஆலோசனையின் போது தற்போது எம்.எல்.ஏக்களாக இருப்பவர்களுக்கு லோக்சபா தேர்தலில் போட்டியிட அனுமதிப்பது இல்லை என்று முடிவு செய்யப்பட்டது. அதேபோல் லோக்சபா தேர்தலில் தேவ கவுடா மகன் குமாரசாமியும் கூட போட்டியிட மாட்டார் என்றும் முடிவு செய்யப்பட்டிருக்கிறதாம்.
மகாராஜா மனைவி போட்டி?
அதே நேரத்தில் மறைந்த மைசூர் மகாராஜா உடையாரின் மனைவியை மைசூர் தொகுதியில் நிறுத்தும் முயற்சிகளை மதச்சார்பற்ற ஜனதா தளம் மேற்கொண்டு வருகிறது.
மருமகள்கள் போட்டி
மேலும் தேவகவுடாவின் 2 மருமகள்களான அனிதா குமாரசாமி, பவானி ரேவண்ணா ஆகியோரையும் லோக்சபா தேர்தலில் களமிறக்க மதச்சார்பற்ற ஜனதா தளம் கட்சி தீர்மானித்துள்ளது,
தோல்வி மேல் தோல்வி
சென்னபட்னா, பெங்களூர் ரூரல் தொகுதிகளில் அனிதா தோல்வி மேல் தோல்வியைத் தழுவியதால் அவருக்கு வேறு தொகுதி தேடப்பட்டு வருகிறது.
மாண்டியாவில் பவானி
மருமகள் பவானி ரேவண்ணாவை ஒக்கலிகா கவுடாக்கள் அதிகம் வாழும் மாண்டியா தொகுதியில் நிறுத்தவும் முடிவு செய்துள்ளனர்.
ஹாசனில் கவுடா
வழக்கம்போல ஹாசன் தொகுதியிலேயே தேவகவுடா போட்டியிடவும் முடிவு செய்துள்ளாராம்.
பங்காரப்பா குடும்பத்துக்கு வாய்ப்பு
சிமோஹாவில் பங்காராப்பா குடும்பத்தைச் சேர்ந்த ஒருத்தரை நிறுத்தவும் மதச்சார்ப்பற்ற ஜனதா தளம் முயற்சிகளை மேற்கொண்டு வருகிறதாம்.
17 மாநில கட்சிகள் மாநாடு
அத்துடன் பாஜக- காங்கிரஸ் அல்லாத 17 மாநில கட்சிகளை ஒருங்கிணைத்து பெங்களூரில் பிரம்மாண்ட மாநாட்டை ஜனவரி அல்லது பிப்ரவரியில் நடத்தவும் மதச்சார்பற்ற ஜனதா தளம் ஏற்பாடுகளை செய்து வருகிறது.
Click it and Unblock the Notifications
Sign in with Google