குர்கானில் பிரபல மாலுக்கு வெளியே துப்பாக்கிச்சூடு: ஒருவர் பலி, ஒருவர் காயம்
குர்கான்: குர்கானில் உள்ள எம்.ஜி. ரோட்டில் இருக்கும் பிரபல சென்ட்ரல் மாலுக்கு வெளியே மர்ம நபர்கள் எஸ்.யு.வி. காரை நோக்கி துப்பாக்கிச்சூடு நடத்தினர்.
குர்கான் நகரில் எம்.ஜி. ரோட்டில் பிரபல சென்ட்ரல் மால் உள்ளது. அந்த மாலுக்கு வெளியே சான்ட்ரோ காரில் வந்த மர்ம நபர்கள் தூரத்தில் இருந்து எஸ்.யு.வி. காரை நோக்கி துப்பாக்கியால் சுட்டனர். இதில் கார் டிரைவர் காயம் அடைந்தார்.
கட்டுப்பாட்டை இழந்த கார் அந்த வழியாக வந்த ஆட்டோ மீது மோதியது. இதில் ஆட்டோ அப்பளம் போன்று நொறுங்கியது. இந்த சம்பவத்தில் ஆட்டோ டிரைவர் படுகாயம் அடைந்தார். உடனே அவர் அருகில் உள்ள மருத்துவமனைக்கு கொண்டு செல்லப்பட்டார். அங்கு அவர் சிகிச்சை பலனின்றி பலியானார்.
சான்ட்ரோ காரில் வந்தவர்கள் தப்பியோடிவிட்டனர். இந்த சம்பவம் குறித்து தகவல் அறிந்த போலீசார் அங்கு வந்து நிலைமையை கட்டுக்குள் கொண்டு வந்தனர். மாலுக்கு வெளியே திடீர் என்று துப்பாக்கிச்சூடு சம்பவம் நடந்தது அப்பகுதி மக்களை அதிர்ச்சி அடைய வைத்துள்ளது.
சான்ட்ரோ காரில் வந்தவர்கள் யார், அவர்கள் எதற்காக துப்பாக்கிச்சூடு நடத்தினார்கள் என்று போலீசார் விசாரணை நடத்தி வருகிறார்கள்.
Click it and Unblock the Notifications
Sign in with Google