அனுமாரை "ட்ரோனில்" ஏற்றி பறக்க விட்ட சோனி...!

லக்னோ: சோனி டிவி நிறுவனம் தான் ஒளிபரப்பி வரும் சங்கேத்மோச்சன் மஹாபலி ஹனுமான் என்ற டிவி நிகழ்ச்சியை பிரபலப்படுத்துவதற்காக ட்ரோன் ஒன்றில் அனுமார் பொம்மையை இணைத்து பறக்க விட்டு பரபரப்பை ஏற்படுத்தியது.

சோனி டிவியில் சங்கேத்மோச்சன் மஹாபலி ஹனுமான் என்ற தொடர் ஒளிபரப்பாகி வருகிறது. இந்தத் தொடருக்கு பிரபலம் சேர்க்கவும், மக்களிடையே விளம்பரத்தை எளிதாக கொண்டு செல்லவும் வித்தியாசமான ஐடியாவை இது களம் இறக்கியது.

அதன்படி ட்ரோன் ஒன்றில் அனுமார் பொம்மையை இணைத்து பறக்கும் அனுமாராக பல நகரங்களில் அதை பறக்க விட்டு மக்களை கவர்ந்திழுத்தது.

சஞ்சீவி மலையை அனுமார் தூக்கிச் செல்வது போல இந்த பறக்கும் அனுமார் காணப்பட்டார். லக்னோ, அலகாபாத், நாக்பூர், வாரணாசி, இந்தூர், போபால், புனே, ஜெய்ப்பூர் ஆகிய நகரங்களில் இந்த ட்ரோன் அனுமார் மக்கள் கவனத்தை ஈர்த்தார்.

பலர் செல்போனில் இந்த அனுமார் படத்தை படம் பிடித்தனர். திடீரென நடு ரோட்டில் அனுமார் பறந்து வந்ததைப் பார்த்து பலரும் வியந்தனர்.

English summary

Sony Entertainment Television launched a nover advertisement for its show 'Sankatmochan Mahabali Hanuman' recently.