கல்யாணம்னா ஹேப்பி பர்த்டே மாதிரி.. சல்மான் ஐ லவ்யூ.. 3 வயசு குட்டிப் பாப்பா போடும் போடு!

மும்பை: இந்த குட்டிப் பாப்பாவுக்கு 3 வயதுதான் ஆகிறது. ஆனால் 50 வயதாகி விட்ட சல்மான் கானை அசர வைத்துள்ளார் தனது மழலை மாறாத பேச்சால். அவர் சொன்னது.. ஐ லவ்யூ சல்மான். நான் உங்களை கல்யாணம் பண்ணிக்கனும் என்பதுதான்.

இந்தக் குட்டிப் பாப்பாவின் பெயர் நித்யா. தனது பேச்சை அவர் வீடியோ மூலம் சல்மான் கானுக்கு அனுப்ப அவர் தனது டிவிட்டர் பக்கத்தில் போட்டு ஹவ் ஸ்வீட் என்று நெகிழ்ந்துள்ளார்.

How sweet :) https://t.co/ZipNsBP8kX

— Salman Khan (@BeingSalmanKhan) August 25, 2015

கல்யாணம்னா என்னன்னு தெரியுமா என்று அந்த சிறுமியின் தாயார் கேட்க அதற்கு அந்தக் குட்டி கூறிய பதிலைப் பாருங்க.. ஹேப்பி பர்த்டே மாதிரிதானே கல்யாணமும்...!

அந்த வீடியோவில் இந்தக் கல்யாணத்துக்கு எங்க அப்பாதான் ஒத்துக்க மாட்டார். ஆனாலும் சல்மான்தான் எனது கணவர் என்றும் கூறியுள்ளது இந்தச் சின்னப் பெண்.

இந்த வீடியோவில் தபாங் படத்தில் சல்மானும், மலாய்க்கா அரோரா கானும் இணைந்து பாடிய முன்னி குத்துப் பாட்டையும் பாடி ஆடியுள்ளது இந்த வாண்டு.

என்னத்தச் சொல்றதுன்னு தெரியலையே!

English summary

A 3 year old girl Nithya has proposed to Actor Salman Khan and the actor has posted her video call in his FB and Twitter page.