மோடி உலகம் சுற்றியதால் என்ன பயன்? சர்வே என்ன சொல்லுதுன்னு பாருங்க!

டெல்லி: 10 ஆண்டுகால காங்கிரஸ் ஆட்சிக்கு பின்னர், தேசிய ஜனநாயகக் கூட்டணி இந்தியாவில் ஆட்சியைப் பிடித்தது. நரேந்திர மோடி பிரதமராக பொறுப்பேற்றார். அவர் பிரதமராக பதவியேற்றதில் இருந்து பல நாடுகளுக்கு பல முறை சுற்றுப்பயணம் மேற்கொண்டார்.

இந்த வெளிநாட்டு சுற்றுப் பயணங்களால் பலன் ஏதும் உண்டா என்று இந்திய டுடே சர்வே ஒன்றை நடத்தியது. அதில் மோடியின் சுற்றுப் பயணத்தால் வெளி நாடுகளுடனான நல்லுறவு 57 சதவீதம் மேம்பட்டிருப்பதாக கூறப்பட்டுள்ளது.

அமெரிக்கா, பிரிட்டன், ரஷ்யா, பிரான்ஸ், ஜெர்மனி உள்ளிட்ட 42 நாடுகளுக்கு சுமார் 50 முறை சுற்றுப்பயணம் செய்துள்ளார் பிரதமர் மோடி. இதனால் எதிர்க்கட்சிகளின் கண்டத்திற்கும் கிண்டலுக்கும் பெரிய அளவில் ஆளானார் மோடி.

இந்நிலையில், இந்தியா டுடே எடுத்துள்ள ஒரு சர்வேயில் பிரதமர் மோடியின் சுற்றுப்பயணத்தால் வெளிநாடுகளுடனான இந்தியாவின் நல்லுறவு மேம்பட்டிருப்பதாக 57 சதவீதம் பேர் தெரிவித்துள்ளனர்.

இதேபோல் சீனாவுடனான நட்பு மேம்பட்டிருப்பதாக 45 சதவீதம் பேரும், பாகிஸ்தானுடனான உறவு திருப்திகரமாக உள்ளதாக 38 சதவீதம் பேரும் தெரிவித்துள்ளனர்.

English summary

After two years of the Narendra Modi-led NDA government's primary claim to success appears to be the robust foreign policy espoused by the prime minister.