பாஜகவில் இணைந்த முன்னாள் ராணுவ தளபதி வி.கே.சிங்கை கெரோ செய்த பாஜக தொண்டர்கள்

காசியபாத்: அண்மையில் பாஜகவில் இணைந்த முன்னாள் ராணுவ தளபதி வி.கே.சிங்கை அக்கட்சித் தொண்டர்கள் முற்றுகையிட்டு கெரோ செய்ததால் பரபரப்பு ஏற்பட்டது.

நாட்டின் ராணுவ தளபதியாக இருந்தவர் வி.கே.சிங். பல்வேறு சர்ச்சைகளில் சிக்கிய வி.கே.சிங், அன்னா ஹசாரே இயக்கத்துடன் கை கோர்த்திருந்தார். பின்னர் அண்மையில் பாரதிய ஜனதா கட்சியில் இணைந்தார்.

இந்நிலையில் நேற்று உத்தரப்பிரதேச மாநிலம் காசியாபாத்துக்கு வி.கே.சிங் சென்றிருந்தார். அங்கு காசியாபாத் மாஅட்ட பாஜக தலைவர் அரவிந்த் பார்தி உள்ளிட்டோருடன் வி.கே.சிங் ஆலோசனை நடத்தினார். அப்போது அங்கு திரண்ட பாஜக தொண்டர்கள், வி.கே.சிங்கே வெளியேறு என்று முழக்கமிட்டு பரபரப்பை ஏற்படுத்தினர்.

இதைத் தொடர்ந்து அங்கு போலீசார் வரவழைக்கப்பட்டு நிலைமை கட்டுக்குள் கொண்டுவரப்பட்டது.

English summary

BJP leader and former Indian Army chief Gen. V.K. Singh was on Monday heckled by party workers when he visited the BJP office in Ghaziabad, police said.