காங். மூத்த தலைவர் ஏ.கே. அந்தோணி மருத்துவமனையில் அனுமதி

காங்கிரஸ் கட்சியின் மூத்த தலைவர் ஏ.கே.அந்தோணி டெல்லி மருத்துவமனையில் அனுமதிக்கப்பட்டு உள்ளார்.

டெல்லி : காங்கிரஸ் மூத்த தலைவரும், முன்னாள் பாதுகாப்பு அமைச்சருமான ஏ.கே. அந்தோணி டெல்லி மருத்துவமனையில் அனுமதிக்கப்பட்டு உள்ளார்.

காங்கிரஸ் கட்சியின் மூத்த தலைவர் கேரள மாநிலத்தைச் சேர்ந்த ஏ.கே.அந்தோணி. இவர் மத்திய பாதுகாப்பு அமைச்சராகவும் பணியாற்றி உள்ளார். இவர் தற்போது நாடாளுமன்ற ராஜ்யசபா உறுப்பினாராகவும் உள்ளார்.

இவர் நேற்று காலை டெல்லியில் உள்ள தனது வீட்டில் தவறி விழுந்ததாகக் கூறப்படுகிறது. இதனால் டெல்லி ராம் மனோகர் லோகியா மருத்துவமனையில் அனுமதிக்கப்பட்டு உள்ளார்.

தவறி கீழே விழுந்து தலையில் அடிபட்டதால், மூளையில் சிறிய அளவில் ரத்தக் கசிவு ஏற்பட்டுள்ளதாகத் தெரிவிக்கப்பட்டு உள்ளது. இதற்காக சிறப்பு மருத்துவர் குழு ஏ.கே.அந்தோணிக்கு சிகிச்சை அளித்துவருவதாகவும் மருத்துவமனை தரப்பு தெரிவித்து உள்ளது.

English summary

Former Indian Defence Minister AK Antony Admitted in hospital at Delhi.