வதோதராவைவிட வாரணாசியில் மோடியின் சொத்து ரூ.14 லட்சம் திடீர் உயர்வு!!

வாரணாசி: குஜராத் முதல்வரும் பாரதிய ஜனதா கட்சியின் பிரதமர் வேட்பாளருமான நரேந்திர மோடிக்கு ரூ1.65 கோடி சொத்து இருப்பதாக தமது வேட்புமனுவில் தெரிவித்துள்ளார். வதோதராவில் 2 வாரங்களுக்கு முன்பு தாக்கல் செய்த வேட்புமனுவில் குறிப்பிட்டு இருந்ததைவிட சொத்து மதிப்பில் ரூ14 லட்சம் உயர்ந்துள்ளது குறிப்பிடத்தக்கது.

உத்தரப்பிரதேசத்தின் வாரணாசி தொகுதியில் நரேந்திர மோடி நேற்று வேட்புமனு தாக்கல் செய்தார். அதனுடன் அவர் தாக்கல் செய்த சொத்து பட்டியலில், தனக்கு ரூ.1 கோடியே 65 லட்சம் மதிப்புள்ள சொத்துகள் இருப்பதாக கூறியுள்ளார். அவற்றில் கையிருப்பு ரூ.32 ஆயிரத்து 700, வங்கி கணக்கில் ரூ.26 லட்சம், வைப்புநிதி ரூ.32 லட்சம் ஆகியவையும் அடங்கும்.

அவரது சொத்து மதிப்பு கடந்த 9-ந் தேதி குஜராத்தின் வதோதரா தொகுதியில் மனுதாக்கல் செய்தபோது இருந்ததை விட ரூ.14 லட்சத்து 34 ஆயிரம் அதிகம் ஆகும்.

இதுபற்றி கேட்டபோது, அப்பணம் வாரணாசி தேர்தல் செலவுக்காக மோடியின் வங்கிக்கணக்கில் கட்சி சார்பில் போடப்பட்ட பணம் என்று பாரதிய ஜனதா கட்சியின் சட்டப்பிரிவு அமைப்பாளர் கக்குபாய் தெரிவித்துள்ளார்.

English summary

BJP Prime Ministerial candidate Narendra Modi today disclosed total assets worth Rs 1.65 crore -a rise of Rs 14.34 lakh from his declaration for Vadodara Lok Sabha seat about a fortnight back.