பாஜக தேசிய இளைஞர் அணி செயற்குழுவில் நடிகை காயத்ரி ரகுராம்

பாஜக தேசிய இளைஞர் அணி செயற்குழு உறுப்பினராக, நடிகை காயத்ரி ரகுராம் நியமிக்கப்பட்டுள்ளார்.

டெல்லி: பாஜக தேசிய இளைஞர் அணி செயற்குழு உறுப்பினராக நடிகை காயத்ரி ரகுராம் நியமனம் செய்யப்பட்டுள்ளார்.

கடந்த 2014ம் ஆண்டு பாஜக தேசியத் தலைவர் அமித்ஷா முன்னிலையில் கங்கை அமரனோடு, காயத்ரி ரகுராம் பாஜகவில் இணைந்தார். 2016 ஆம் ஆண்டு நடைபெற்ற தமிழக சட்டசபை தேர்தல் மயிலாப்பூர் தொகுதியில் பாஜக சார்பில் போட்டியிட நடிகை காயத்ரி ரகுராம் விருப்ப மனு தாக்கல் செய்தார்.

இந்நிலையில், பாஜக வின் தேசிய இளைஞர் அணி செயற்குழு உறுப்பினராக நடிகை காயத்ரி ரகுராம் நியமிக்கப்பட்டுள்ளார். நடிகை காயத்ரி ரகுராம் அக்கட்சிப் பணிகளில் ஈடுபடும் ஆர்வத்தைப் பாராட்டி, அவரை அங்கீகரிக்கும் வகையில், இந்த பதவி வழங்கப்பட்டுள்ளதாக தகவல்கள் தெரிவிக்கின்றன.

நடிகை காயத்ரி ரகுராம் டான்ஸ் மாஸ்டர் கலாவின் அக்காள் மகள் ஆவார். காயத்ரியின் குடும்பமே டான்ஸ் குடும்பம் தான். அவரது அப்பா ரகுராம், அம்மா கிரிஜா, சித்திக்கள் கலா, பிருந்தா என அனைவருமே சினிமா டான்ஸ் மாஸ்டர்கள் தான் என்பது குறிப்பிடத்தக்கது.

English summary

Actress Gayathri Raguram Appointment as a member in BJP national youth committee.