இதெல்லாம் ஒரு பூங்கொத்தா?: கோபத்தில் தூக்கி வீசிய கோவா எம்.பி.
வாஸ்கோ: நிகழ்ச்சி ஒன்றில் தனக்கு அளிக்கப்பட்ட பூங்கொத்து விலை மலிவானதாக இருந்ததால் கோபப்பட்ட கோவா மாநில எம்.பி. பிரான்சிஸ்கோ அதை தூக்கி மேஜையில் எறிந்தார்.
கோவா மாநில எம்.பி. பிரான்சிஸ்கோ சர்டின்ஹா. அவர் அரசு திட்டம் ஒன்றை துவக்கி வைக்கும் நிகழ்ச்சியில் கலந்து கொண்டார். அவருக்கு நிகழ்ச்சி ஏற்பாட்டாளர்கள் சிறிய பூங்கொத்து கொடுத்து வரவேற்றனர்.
பூங்கொத்தை பார்த்த பிரான்சிஸ்கோவுக்கு கோபம் வந்துவிட்டது. ரூ. 1 கோடி மதிப்புள்ள திட்டத்தை அறிமுகப்படுத்த வந்துள்ளேன். எனக்கு விலை மலிவானா பூங்கொத்தை கொடுப்பதா என்று அவர் கோபப்பட்டார். உடனே அவர் அந்த பூங்கொத்தை மேடையில் இருந்த மேஜை மீது வீசினார்.
காசு கொடுத்து வாங்க முடியவில்லை என்றால் அவர்கள் எந்த விழாவிலும் பூங்கொத்தை கொடுக்கக் கூடாது என்று அவர் கோபமாக தெரிவித்தார். இந்த சம்பவத்தால் சிறிது நேரம் பரபரப்பு ஏற்பட்டது.
Click it and Unblock the Notifications
Sign in with Google