டம்மார்னு ஒரு இடி: ரூ.3 கோடி லம்போர்கினி காரை சேதப்படுத்திய ஸ்டார் ஹோட்டல் ஊழியர்

By Siva

Published: Friday, July 11, 2014, 15:15 [IST]

Subscribe to Oneindia Tamil

டெல்லி: டெல்லியில் உள்ள ஹோட்டல் லீ மெரிடியனுக்கு வந்த வாடிக்கையாளரின் ரூ.3 கோடி மதிப்புள்ள லம்போர்கினி கல்லார்டோ காரை பணியாள் வேறு ஒரு கார் மீது மோதி சேதப்படுத்தியுள்ளார்.

டெல்லியைச் சேர்ந்த நிபுன் மிக்லானி என்பவர் தனது நண்பரிடம் இருந்து அவரின் லம்போர்கினி கலார்டோ ஸ்பைடர் காரில் லீ மெரிடியன் ஹோட்டலுக்கு சென்றார். ஹோட்டல் வாசலில் அவர் காரை நிறுத்திவிட்டு வெளியே வந்தார்.

காரை பார்க் செய்யும் இடத்தில் அதை நிறுத்தும் பணியாளர் வந்து சாவியை வாங்கினார்.

அருண் குமார்

பணியாளர் அதாவது வாலே அருண் குமார் ரூ.3 கோடி மதிப்புள்ள லம்போர்கினி காரின் சாவியை வாங்கி அதை ஸ்டார்ட் செய்தார்.

கார் பார்க்கிங்

அருண் குமாரை காரை ஓட்டிச் சென்று நிறுத்தி வைக்கப்பட்டிருந்த செடான் கார் மீது மோதினார். பின்னர் கார் சுவரில் வேகமாக மோதியது.

முன்பக்கம் காலி

கார் சுவரில் வேகமாக மோதியதில் அதன் முன்பகுதி முழுவதுமாக சேதம் அடைந்தது. சேத மதிப்பு மட்டும் ரூ. 2 கோடி ஆகும்.

பணம்

காரை மோதிய அருண்குமார் காயம் அடைந்துள்ளார். விபத்துக்கு அருண் குமார் தான் காரணம் என்று ஹோட்டல் அதிகாரிகள் தெரிவித்துள்ளனர். ஆனால் காரை மோதியதால் ஏற்பட்ட சேத மதிப்பை ஹோட்டல் நிர்வாகம் அளித்ததா என்று தெரியவில்லை.