இந்திய குடியரசு தினம்.. அசத்தல் டூடுல் வெளியிட்ட கூகுள்

நாட்டின் 68வது குடியரசு தினம் இன்று கோலாகலாக கொண்டாடப்பட்டு வருகிறது. இதனை கவுரவிக்கும் வகையில் கூகுள் நிறுவனம் டூடுல் வெளியிட்டுள்ளது.

டெல்லி: இந்தியாவின் குடியரசு தினத்தை முன்னிட்டு கூகுள் நிறுவனம் தனது முதல் பக்கத்தில் டூடுல் வெளியிட்டுள்ளது. மூவர்ணத்தில் செங்கோட்டை வடிவில் அந்த டூடுல் வெளியிடப்பட்டுள்ளது.

தலைநகர் டெல்லி மற்றும் அனைத்து மாநிலங்களிலும் குடியரசு நாள் உற்சாகமாக கொண்டாடப்படுகிறது. இதனை முன்னிட்டு நாடு முழுவதும் பாதுகாப்பு பல மடங்கு பலப்படுத்தப்பட்டுள்ளது.

டெல்லி செங்கோட்டையில் குடியரசு தலைவர் பிரணாப் முகர்ஜி தேசியக் கொடியை ஏற்றிவைத்து முப்படையினரின் அணிவகுப்பை ஏற்றுக்கொண்டார். தமிழக தலைநகர் சென்னையில் முதன்முறையாக முதல்வர் ஓ.பன்னீர்செல்வம் மூவர்ண கொடியை ஏற்றி வைத்தார்.

இந்நிலையில் இந்திய குடியரசு தினத்தை முன்னிட்டு அதனை கவுரவிக்கும் வகையில் டூடுல் வெளியிட்டு கூகுள் நிறுவனம் பெருமை படுத்தியுள்ளது. மூவர்ணத்தில் செங்கோட்டையை பிரதிபலிக்கும் வகையில் அந்த டூடுல் உள்ளது.

English summary

As India celebrates its 68th Republic Day, Google is putting up a new Doodle in the country today to mark the occasion