அரசு விளம்பரங்களில் முதல்வர் படத்தை அனுமதியுங்கள்.. சுப்ரீம் கோர்ட்டில் தமிழகம் மனு!
டெல்லி: அரசு விளம்பரங்களில் முதல்வர் புகைப்படத்தையும் வெளியிட அனுமதிக்க வேண்டும் என்று சுப்ரீம் கோர்ட்டில் தமிழக அரசு சீராய்வு மனு தாக்கல் செய்துள்ளது.
அரசு அளிக்கும் விளம்பரங்களில், ஜனாதிபதி, பிரதமர் மற்றும் உச்சநீதிமன்ற தலைமை நீதிபதி ஆகியோர் புகைப்படங்களை தவிர மற்ற படங்கள் இடம்பெறக்கூடாது என்ற ஒரு அதிரடி தீர்ப்பை சுப்ரீம் கோர்ட் சமீபத்தில் வழங்கியது.
இதனால், மாநில முதல்வர்கள் படத்தை கூட வெளியிட முடியாத நிலை ஏற்பட்டது. இந்த உத்தரவை மறுபரிசீலனை செய்ய மனு கோரிக்கைவிடுக்காவிட்டால், கூட்டாட்சி தத்துவத்துக்கு ஆபத்து வந்துவிடும் என்று பல அரசியல் தலைவர்களும் கோரிக்கைவிடுத்து வந்தனர்.
இந்நிலையில், இந்த தீர்ப்பை எதிர்த்து தமிழக அரசு மறுசீராய்வு மனு அளித்துள்ளது. மத்தியில் பிரதமர் போல, மாநிலத்தில் முதல்வர்கள் செயல்படுகிறார்கள், எனவே, அரசு விளம்பரங்களில் முதல்வர் படமும் இடம் பெறலாம். இது குறித்து சுப்ரீம் கோர்ட் மறு சீராய்வு செய்ய வேண்டும் என்று மனுவில் குறிப்பிடப்பட்டுள்ளது.