குஜராத் பாஜக முதல்வர் வேட்பாளர் விஜய் ரூபாணி அபார வெற்றி

குஜராத் பாஜக முதல்வர் வேட்பாளர் விஜய் ரூபாணி ராஜ்கோட் மேற்கு தொகுதியில் அபாரமாக வெற்றி அடைந்து இருக்கிறார்.

ராஜ்கோட்: குஜராத் பாஜக முதல்வர் வேட்பாளர் விஜய் ரூபாணி ராஜ்கோட் மேற்கு தொகுதியில் அபாரமாக வெற்றி அடைந்து இருக்கிறார். மொத்தமாக இவர் 68,818 வாக்குகள் பெற்று வெற்றி அடைந்து உள்ளார்.

குஜராத் தேர்தலுக்கான வாக்கு எண்ணிக்கை தற்போது நடைபெற்று வருகிறது. இதில் குஜராத் முதல்வர் விஜய் ரூபாணி போட்டியிடும் ராஜ்கோட் மேற்கு தொகுதி அதிக கவனம் பெற்று இருக்கிறது.

2014ல் நடந்த ராஜ்கோட் மேற்கு தொகுதி இடைத்தேர்தலில் விஜய் ரூபாணி வெற்றிபெற்றார். தற்போது அதே தொகுதியில் அவர் போட்டியிட்டுள்ளார்.

வாக்கு எண்ணிக்கையின் தொடக்கத்தில் அவர் முன்னிலை வகித்தார். பின் வாக்கு எண்ணிக்கையில் அவர் பின்னடைவு அடைந்தார். அதன்பின் மீண்டும் அவர் முன்னிலை வகித்தார். இந்த தொகுதியில் காங்கிரஸுக்கும், பாஜகவிற்கு இடையில் பெரிய அளவில் வித்தியாசம் இல்லாமல் சென்று கொண்டு இருந்தது.

பாஜகவை சேர்ந்த விஜய் ரூபாணியை எதிர்த்து காங்கிரஸ், பகுஜன் சமாஜ், ஷிவா சேனா ஆகிய கட்சியை சேர்ந்த வேட்பாளர்கள் போட்டியிட்டனர். காங்கிரஸ் கட்சியை சேர்ந்த 'இந்திரானில் ராஜ்குரு' விஜய் ரூபாணிக்கு மிகவும் நெருக்கமாக இருந்தார். இவர்தான் குஜராத் தேர்தலில் மிகவும் பணக்கார வேட்பாளர் என்பது குறிப்பிடத்தக்கது.

இந்த நிலையில் தற்போது காங்கிரஸ் வேட்பாளரை விட அதிக வாக்குகள் பெற்று விஜய் ரூபானி வென்று இருக்கிறார். விஜய் ரூபானி 68,818 வாக்குகள் பெற்றார். காங்கிரஸ் வேட்பாளர் இந்திரானில் ராஜ்குரு 37,744 வாக்குகள் பெற்றார். இதையடுத்து விஜய் ரூபானி 26,074 வாக்குகள் வித்தியாசத்தில் வெற்றிபெற்று இருக்கிறார்.

English summary

Gujarat BJP CM candidate Vijay Rupani wins in Rajkot west. Congress candidate Indranil Rajguru lost to his with 26,074 difference. Vijay Rupani got 68,818 votes whereas Indranil Rajguru got only 37,744 votes.