ரக்‌ஷா பந்தன்... பாசமிகு "அண்ணன்" மோடிக்கு 1 லட்சம் ராக்கிகள் அனுப்பிய குஜராத் "சிஸ்டர்ஸ்"!

அகமதாபாத்: ரக்‌ஷா பந்தனை முன்னிட்டு பிரதமர் மோடிக்கு குஜராத் பாஜக மகளிர் அமைப்பினர் சுமார் ஒரு லட்சம் ராக்கிகளை அனுப்பியுள்ளனர்.

ஆண் பெண் சகோதரத்துவத்தை போற்றும் ‘ரக்‌ஷா பந்தன்' விழா வருகிற 29-ம் தேதி கொண்டாடப்பட உள்ளது. இதனையொட்டி, குஜராத்தில் பாஜகவைச் சேர்ந்த மகளிர் அமைப்பினர், குஜராத் முழுவதுமுள்ள பெண் சமூக ஆர்வலர்களிடமிருந்தும், கட்சித்தலைவர்களிடமிருந்தும் சுமார் 1 லட்சம் ராக்கிகளை சேகரித்தனர். பின்னர், அவற்றை பிரதமர் மோடிக்கு அவர்கள் நேற்று அனுப்பி வைத்தனர்.

இது குறித்து, அம்மாநில பாஜக மகளிரணி தலைவி ஜோதி பாண்ட்யா கூறுகையில், "மாநிலம் முழுவதும் உள்ள பெண் சமூக ஆர்வலர்கள் மற்றும் கட்சித் தலைவர்களிடமிருந்து சேகரித்த 1 லட்சத்துக்கும் மேற்பட்ட ராக்கி கயிறுகளை பிரதமர் நரேந்திர மோடியின் அதிகாரப்பூர்வ இல்லத்திற்கு அனுப்பி வைத்துள்ளோம்" என்றார்.

English summary

Ahead of 'Raksha Bandhan', the women's wing of Gujarat BJP today sent over one lakh 'rakhis', collected from across the state, to Prime Minister Narendra Modi.