குஜராத், இமாச்சல பிரதேச தேர்தல் எக்சிட் போல் LIVE: வெளியானது எக்ஸிட் போல் முடிவுகள்

காந்தி நகர்: குஜராத் மாநில சட்டசபை தேர்தலின் கடைசி கட்ட வாக்குப்பதிவு இன்று நிறைவடைந்துள்ள நிலையில் குஜராத் மற்றும் இமாச்சல பிரதேச மாநில சட்டசபை தேர்தலின் எக்சிட் போல் முடிவுகள் வெளியாகி வருகின்றன. டிவி9, நியூஸ் எக்ஸ், இந்தியா டுடே, ரிபப்ளிக் என பல சேனல்கள் இந்த கருத்துக் கணிப்புகளை வெளியிட்டு வருகின்றன.

குஜராத்தில் கடந்த 27 வருடமாக பாஜக ஆட்சி செய்து வருகிறது. குஜராத் பாஜகவின் கோட்டையாக உள்ளது. 1995ல் இருந்து அங்கு பாஜக ஆட்சிதான் உள்ளது. இந்த நிலையில்தான் தற்போது நடந்து முடிந்த சட்டசபை தேர்தலில் பாஜக - காங்கிரஸ் - ஆம் ஆத்மி இடையே கடுமையான மும்முனை போட்டி நிலவியது. 182 தொகுதிகளில் இரண்டு கட்டமாக அங்கு தேர்தல் நடைபெற்றது. அங்கு முதல் கட்ட தேர்தலில் 62 சதவிகித வாக்குகள் பதிவானது. அங்கு மெஜாரிட்டி பெற 92 தொகுதிகளில் வெற்றிபெற வேண்டும்.

இன்னொரு பக்கம் இமாச்சல பிரதேசத்தில் கடந்த நவம்பர் 12ம் தேதி சட்டசபை தேர்தல் நடைபெற்றது. 68 தொகுதிகளுக்கு ஒரே கட்டமாக தேர்தல் நடந்தது. இமாச்சல பிரதேசத்தில் 75.6 சதவிகித வாக்குகள் பதிவானது. அங்கு இதுவரை சட்டசபை தேர்தலுக்கு பதிவான வாக்குகளிலேயே இதுதான் மிக மிக அதிகம் ஆகும். அங்கு மெஜாரிட்டி பெற 35 இடங்களில் வெற்றிபெற வேண்டும். இரண்டு மாநிலங்களுக்கும் டிசம்பர் 8ம் தேதி தேர்தல் முடிவுகள் வர உள்ளது. இந்த நிலையில் இரண்டு மாநிலங்களுக்கான தேர்தலுக்கு பிந்தைய கருத்து கணிப்பு முடிவுகள் இன்று வெளியாக உள்ளன. பல்வேறு ஊடகங்கள், கருத்து கணிப்பு நிறுவனங்கள் மேற்கொண்ட கணிப்பு முடிவுகள் தேர்தல் முடிந்த பின் இன்று மாலை 6 மணியில் இருந்து வெளியாக உள்ளன.

English summary

Gujarat Himachal Pradesh Election 2022 Exit Poll Results LIVE Updates: Who will win in both states?