மோடி அரசு மீது 26 சதவீத குஜராத் மக்களுக்கு அதிருப்தியாம்.. இந்தியா டுடே சர்வே

மத்திய மோடி அரசின் செயல்பாடு மிகச் சிறப்பாக உள்ளதாக 25 சதவீதம் பேரும், மோசம் என 17 சதவீதம் பேரும், மிக மோசம் என்று 9 சதவீதம் பேரும் கருத்து தெரிவித்துள்ளனர்.

டெல்லி: குஜராத்தில் 26 சதவீத மக்கள் மத்திய மோடி அரசு மீது வெறுப்பில் உள்ளதாக இந்தியா டுடே கருத்துக் கணிப்பு தெரிவித்துள்ளது.

ஆக்சிஸ்-மை இந்தியா இணைந்து இந்தியா டுடேவுக்காக இணைந்து நடத்திய சர்வேயில், குஜராத் சட்டசபை தேர்தலில். மொத்தமுள்ள 182 தொகுதிகளில் பாஜக 115-125 தொகுதிகள் வரை வெல்ல வாய்ப்புள்ளதாக தெரியவந்துள்ளது.

ஜிஎஸ்டி வரி அறிமுகம் செய்யப்பட்டதால் நன்மை ஏற்பட்டுள்ளதா என்ற கேள்விக்கு, 38 சதவீதம் பேர் ஆதரவு தெரிவித்துள்ளனர். பண மதிப்பிழப்பால் பலன் ஏற்பட்டதா என்ற கேள்விக்கு 44 சதவீதம் பேர் ஆதரவாகவும், 53 சதவீதம் பேர் எதிராகவும் வாக்களித்துள்ளனர்.

குஜராத் மாநிலம் வணிகர்கள் அதிகமுள்ள மாநிலம் என்பது கவனிக்கத்தக்கது.

மோடி பிரதமராக இருப்பதால்தான் குஜராத் பலன் பெற்றுள்ளதாக 66 சதவீதம் பேர் கருத்து கூறியுள்ளனர். அதேநேரம், மத்திய மோடி அரசின் செயல்பாடு மிகச் சிறப்பாக உள்ளதாக 25 சதவீதம் பேரும், சிறப்பாக உள்ளதாக 49 சதவீதம் பேரும், மோசம் என 17 சதவீதம் பேரும், மிக மோசம் என்று 9 சதவீதம் பேரும் கருத்து தெரிவித்துள்ளனர்.

மோசம் மற்றும் மிக மோசம் என்போரின் கூட்டுத்தொகை 26 சதவீதம் என்பது குறிப்பிடத்தக்கது. பாஜக மொத்த வாக்கு சதவீதத்தில், இதர பிற்படுத்தப்பட்டோர் ஜாதி பிரிவில் 37 சதவீதமும், பழங்குடியினரில் 15 சதவீதம் பேரும், பொதுப்பிரிவில் 15 சதவீதமும் அடங்கும்.

காங்கிரஸ் வாக்கு பங்கில் 10 சதவீதம் முஸ்லிம்களுடையது. 6 சதவீதம் தாழ்த்தப்பட்டோருடையது. பட்டேல் இனத்தினுடைய வாக்கு பகிர்வு 16 சதவீதமாகும்.

English summary

The poll shows that the Congress has an edge among 32 per cent of the electorate - Muslims 10 per cent.