Click it and Unblock the Notifications
Don't Miss
-
இறந்தவர் திரும்பி வந்த அதிசயம்.. பில்லியனரின் தில்லாங்கடி வேலை.. காதலியுடன் ரகசிய வாழ்க்கை..! -
கடமையை செஞ்சிட்டேன்.. எங்களை செய்யாம இருங்க.. வாக்களித்த பின் பிரதீப் ஆண்டனி அதிரடி ட்வீட் -
குரு பகவானால் கிடைக்கும் நன்மைகள் என்னென்ன தெரியுமா? -
எகிறியது மவுசு.. ரூ.5000 டிஸ்கவுண்ட் உடன்.. மீண்டும் விற்பனைக்கு வந்த Motorola போன்.. என்ன மாடல்? -
இந்திய நிறுவனம் தயாரிச்ச வண்டியா இது? முழுக்க முழுக்க மின்சாரத்தில் இயங்கும்! ஹல்க்கைவிட அதிக எடையை சுமக்கும்! -
"மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு -
பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
ஃபிட்னஸ் சேலஞ்ச்.. தேவகவுடாகிட்ட ஜோடி போட முடியுமா, ஜோடி.. மோடிக்கு மஜதவினர் கேள்வி
டெல்லி: பிரதமர் நரேந்திர மோடி ஃபிட்னஸ் சேலஞ்ச் என்ற பெயரில், சமீபத்தில் ஒரு வீடியோ வெளியிட்டிருந்தார்.
மேலும், கர்நாடக முதல்வர் குமாரசாமி இந்த சேலஞ்சுக்கு ரெடியா என கேட்டிருந்தார். குமாரசாமியோ, மாநிலத்தின் ஃபிட்னஸ் பற்றி தான் அதிகம் கவலைப்படுவதாகவும், அதற்கு பிரதமர் உதவ வேண்டும் என்றும் பதிலடி கொடுத்திருந்தார்.
இந்த நிலையில், சில ஆண்டுகள் முன்பு இதய அறுவை சிகிச்சை செய்துகொண்ட குமாரசாமியை பிட்னஸ் சேலஞ்சுக்கு அழைப்புவிடுத்த மோடி மீது மஜத தொண்டர்கள் அதிருப்தியில் உள்ளனர்.
அசத்தும் தேவகவுடா
மோடி, முன்னாள் பிரதமர் தேவகவுடாவின் ஃபிட்னஸ் முன்பாக நிற்க முடியாது என்கிறார்கள். இதில் உண்மையும் உள்ளது. 86 வயதாகும் தேவகவுடா இந்தியாவின் மிக மூத்த அரசியல்வாதிகளில் ஒருவர். 7 முறை சட்டசபை உறுப்பினராகவும், 7 முறை நாடாளுமன்ற உறுப்பினராகவும் பதவி வகித்தவர். இவர் தனது உடல் நலத்திற்கு மிகுந்த முக்கியத்துவம் கொடுத்து வருகிறார். பெங்களூரிலுள்ள தேவகவுடா வீட்டில் பிரத்யேக ஜிம் உள்ளது.
பிட்னஸ் ரகசியம்
கார்த்திக் என்பவர் தேவகவுடாவின் பயிற்சியாளராக உள்ளார். இதுபற்றி தேவகவுடா கூறுகையில், எனக்கு மது, புகை பழக்கம் கிடையாது. அளவாக வெஜிட்டேரியன் உணவுகளை மட்டும் சாப்பிட்டு வருகிறேன். அதிகம் தூங்கமாட்டேன். காலையிலேயே விழித்துவிடுவேன். எனக்கு பேராசை எல்லாம் கிடையாது. இதெல்லாம்தான் உடலை ஆரோக்கியமாக வைத்துக்கொள்ள உதவுகிறது என நினைக்கிறேன் என்று தெரிவித்தார்.
அக்கறை அதிகம்
தான் உடல்பயிற்சி மேற்கொள்வது நீண்டகால பழக்கம் என்றும், இது பெரிய விஷயம் இல்லை என்றும் தேவகவுடா தெரிவித்துள்ளார். தேவகவுடா மிக கடினமாக உடல் பயிற்சி செய்ய கூடியவராம். அவர் அளவுக்கு 40 வயது நபர்களால் கூட போட்டிபோட முடியாது என்கிறார்கள் தேவகவுடாவுக்கு நெருக்கமானவர்கள்.
மீம்கள்
பிரதமர் மோடி வெளியிட்ட வீடியோவில், அவர் செய்யும் உடற் பயிற்சிகள் மிகவும் சாதாரண வகையில் இருந்தன. இதனால் சமூக வலைத்தளங்களில் கேலி செய்து வீடியோ, மீம்கள் உலவத் தொடங்கியுள்ளன என்பது குறிப்பிடத்தக்கது.
