சச்சின் தம்பதி வாழ்த்துடன் இனிதே முடிந்தது ஹர்பஜன்சிங்-கீதா திருமணம்! நவ.1ல் கோலாகல ரிசப்ஷன்

ஜலந்தர்: இந்திய கிரிக்கெட் அணியின் சுழற் பந்துவீச்சாளர் ஹர்பஜன் சிங்குக்கும் (35), அவரது நீண்டகால தோழியும், பாலிவுட் நடிகையுமான கீதா பாஸ்ராவுக்கும் பஞ்சாப் மாநிலம் பக்வாரா நகரில் இன்று திருமணம் நடைபெற்றது.

முன்னதாக நேற்று, புதன்கிழமை மாலை ஜலந்தரில் பிரமாண்டமாக நடைபெற்ற நிகழ்ச்சியில் மணமக்கள் மோதிரம் மாற்றிக்கொண்டனர். அதைத் தொடர்ந்து மெஹந்தி மற்றும் இசை நிகழ்ச்சிகள் நடைபெற்றன.

இன்று ஜலந்தரிலுள்ள சீக்கியர்களின் புனித தலமான குருத்வாரா ஒன்றில் இருவருக்கும் திருமணம் நடைபெற்றது. ஹர்பஜன்சிங் வெள்ளை நிற ஷெர்வானியும், சிவப்பு நிற டர்பனும் அணிந்திருந்தார். வழக்கமாக அணியும் டர்பனில் இருந்து இது மாறுபட்டதாக இருந்தது (சித்து அணிவதை போன்றது). கீதா பாரம்பரியம்மிக்க சிவப்பு மற்றும் தங்க வர்ண ஆடை அணிந்திருந்தார்.

சச்சின் டெண்டுல்கர் மற்றும் அவரது மனைவி அஞ்சலி உட்பட மிகவும் நெருங்கிய நண்பர்கள் மற்றும் உறவினர்களுக்கு மட்டும் திருமண நிகழ்ச்சியில் கலந்துகொண்டனர். ஹர்பஜன் வீட்டில் வைத்து, மெகந்தி மற்றும் இசை நிகழ்ச்சிகள் நடத்தப்பட்டன.

நவம்பர் 1ம் தேதி டெல்லியில் வைத்து பிரமாண்ட ரிசப்ஷன் நிகழ்ச்சி நடைபெறுகிறது. ஹர்பஜன் அழைப்பை ஏற்று பிரதமர் மோடி இந்த நிகழ்ச்சியில் பங்கேற்பார் என்று எதிர்பார்க்கப்படுகிறது. யுவராஜ்சிங், விராட் கோஹ்லி உள்ளிட்ட அணி வீரர்கள் மட்டுமின்றி, அமிதாப்பச்சன், ஷாருக்கான், பிரியங்கா சோப்ரா உள்ளிட்ட பாலிவுட் பிரபலங்களும் வரவேற்பு நிகழ்ச்சியில் பங்கேற்பார்கள்.

English summary

Indian spinner Harbhajan Singh today tied the nuptial knot with long-time girlfriend Geeta Basra in a gurudwara here in Jalandhar. While the groom looked dapper in a off-white sherwani and red turban, the bride was looking resplendent in a traditional red and gold lehenga. The wedding was attended by some close relatives and friends, including cricket icon Sachin Tendulkar and wife Anjali.