ஜூனியர் என்டிஆரின் தந்தைதான் ஹரிகிருஷ்ணா!
Recommended Video
ஹைதராபாத்: ஹைதராபாத்தில் விபத்தில் பலியான நந்தமூரி ஹரிகிருஷ்ணா ஜூனியர் என்டிஆரின் தந்தையாவார்.
நந்தமூரி ஹரிகிருஷ்ணா நேற்று மாலை நல்கொண்ட மாவட்டத்தில் சாலை விபத்தில் சிக்கி பலத்த காயமடைந்தார். இதையடுத்து அவர் மருத்துவமனையில் சேர்க்கப்பட்டு சிகிச்சை பலனின்றி உயிரிழந்தார்.
இவர் ஆந்திர மாநில முன்னாள் முதல்வர் என்டி ராமாராவின் 4-ஆவது மகனாவார். ஹரிகிருஷ்ணா 1956-ஆம் ஆண்டு நிம்மகாரு என்ற இடத்தில் பிறந்தார். இவர் குழந்தை நட்சத்திரமாக தெலுங்கு படங்களில் நடித்துள்ளார்.
சுஹாசினி
கடந்த 2008-ஆம் ஆண்டு மாநிலங்களவை வேட்பாளராக தேர்வு செய்யப்பட்டார். இவருக்கு இரு மனைவிகள் உள்ளனர். முதல் மனைவிக்கு ஜானகி ராம் மற்றும் கல்யாண் ராம் ஆகிய மகன்களும் சுஹாசினி என்ற மகளும் உள்ளனர்.
டோலிவுட்டில் பிஸி
இரண்டாவது மனைவிக்கு ஒரே ஒரு மகன் அவர் தாராகா ராம். பின்னர் தனது பெயரை ஜூனியர் என்டிஆர் என மாற்றிக் கொண்டார். இவரும் கல்யாண் ராமும் டோலிவுட்டில் பிஸியான நடிகர்கள் ஆவர்.
சாலை விபத்தில் பலி
ஹரிகிருஷ்ணா முதல்வர் சந்திரபாபு நாயுடுவின் மைத்துனரும் ஆவார். தெலுங்கு முன்னணி நடிகர் பாலகிருஷ்ணாவின் சகோதரரும் ஆவார். ஹரிகிருஷ்ணாவின் மகன் ஜானகிராமும் இதேபோலத்தான் ஒரு சாலை விபத்தில் நான்கு ஆண்டுகளுக்கு முன்பு பலியானார்.
மகனும் பலி
2014 ம் ஆண்டு டிசம்பர் 6ம் தேதி நல்கொண்டா மாவட்டம் அகுபமுலா அருகே ஹைதராபாத் - விஜயவாடா நெடுஞ்சாலையில் நடந்த சாலை விபத்தில் ஜானகிராம் பலியானார். அவருக்கு மனைவியும், மகனும் உள்ளனர்.
|
படங்களில் நடித்துள்ளார்
இந்த நிலையில் மகனைப் போலவே என்டிஆர் ஹரிகிருஷ்ணாவும் சாலை விபத்தில் பலியாகியிருப்பது குடும்பத்தில் பெரும் சோகத்தை ஏற்படுத்தியுள்ளது. ஹரிகிருஷ்ணா முன்னாள் அமைச்சராவார். இவர் பல்வேறு படங்களில் நடித்துள்ளார்.
Click it and Unblock the Notifications
Sign in with Google