டெல்லி சட்டசபை தேர்தல்: பா.ஜ.க முதல்வர் வேட்பாளராக ஹர்ஷவர்த்தன் அறிவிப்பு!

டெல்லி: டெல்லி சட்டசபை தேர்தலில் பாரதிய ஜனதா கட்சியின் முதல்வர் வேட்பாளராக ஹர்ஷவர்த்தன் ஒருவழியாக அறிவிக்கப்பட்டுள்ளார்

டெல்லி சட்டசபைக்கான தேர்தல் தேதி அறிவிக்கப்பட்டதை அடுத்து கட்சிகள் தேர்தல் பணிகளில் மும்மரமாக இறங்கியுள்ளனர். காங்கிரஸ், பாஜகவுக்கு கிலி கொடுக்க ஆம் ஆத்மி கட்சியும் இம் முறை தேர்தல் களத்தில் குதித்துள்ளது.

இந்நிலையில் பாரதிய ஜனதா கட்சியில் முதல்வர் வேட்பாளர் யார் என்பதில் பெரும் குழப்பம் உருவானது. கடந்த ஒரு வார காலம் நீடித்த இழுபறிக்கு இன்று முடிவு காணப்பட்டிருக்கிறது.

டெல்லியில் இன்று பாரதிய ஜனதா கட்சியின் தேர்தல் உயர்மட்ட குழு கூட்டம் நடைபெற்றது. இதில் முதல்வர் வேட்பாளராக ஹர்ஷவர்த்தன் அறிவிக்கப்பட்டார். இதனை அக்கட்சியின் தேசிய தலைவர் ராஜ்நாத்சிங் தெரிவித்துள்ளார்..

English summary

Former state health minister Harsh Vardhan is Bharatiya Janata Party's (BJP) chief ministerial candidate for the Delhi assembly polls slated for December 4, party officials announced on Wednesday.