அன்னாஹசாரே என் குரு: பதவியேற்புக்கு அழைப்பு விடுத்த கேஜ்ரிவால்

By Mayura Akilan

Published: Thursday, December 26, 2013, 14:38 [IST]

Subscribe to Oneindia Tamil

டெல்லி: டெல்லி முதல்வராக பதவி ஏற்கும் விழாவுக்கு வருகை தருமாறு அன்னாஹசாரேக்கு அரவிந்த் கெஜ்ரிவால் மீண்டும் அழைப்பு விடுத்துள்ளார்.

கேஜ்ரிவால் தலைமையிலான அரசின் பதவியேற்பு விழாவில் பங்கேற்க அன்னா ஹசாரே மறுத்துள்ளார். தமக்கு அழைப்பிதழ் ஏதும் வரவில்லை என்றும், மேலும் உடல் நலமும் சரியில்லாததால், பதவியேற்பு விழாவில் பங்கேற்க தம்மால் இயலாது என்றும், அதே சமயம் கெஜ்ரிவாலுக்கு தமது வாழ்த்தை தெரிவித்துக்கொள்வதாகவும் ஹசாரே செய்தியாளர்களிடம் கூறியிருந்தார்.

Hazare not sure of attending Kejriwal swearing-in

இதனிடையே இது தொடர்பாக டெல்லியில் இன்று செய்தியாளர்களிடம் பேசிய அரவிந்த் கெஜ்ரிவால், ஹசாரே தமது குருநாதர் என்றும், பதவியேற்பு விழாவில் பங்கேற்க வருமாறு தாம் தொலைபேசி மூலம் ஹசாரேவிடம் பேச உள்ளதாகவும் தெரிவித்தார்.

மேலும் ஹசாரேவுக்கு அரசு தரப்பிலிருந்து அழைப்பிதழ் அனுப்பப்படும் என்றும், அழைப்பிதழை அனுப்புமாறு தமது கட்சித்தலைவர்களான கிரண் பேடி மற்றும் நீதிபதி சந்தோஷ் ஹெக்டே ஆகியோரை கேட்டுக்கொண்டுள்ளதாகவும் கெஜ்ரிவால் கூறினார்.

Published On December 26, 2013