2வது நாளாக கொட்டும் கனமழை... டெல்லியில் கடும் போக்குவரத்து பாதிப்பு

டெல்லி: தலைநகர் டெல்லியில் 2 நாட்களாக கொட்டித் தீர்க்கும் மழையால் மக்களின் இயல்பு வாழ்க்கை பாதிக்கப்பட்டுள்ளது. மேலும் கடும் போக்குவரத்து நெருக்கடிக்கு மாநகரம் ஆளாகியுள்ளது.

நேற்று மாலை 5.30 மணி வரை இந்த சீசனில் அதிகபட்சமாக 63.1 மி.மீட்டர் மழை டெல்லியில் பதிவாகியுள்ளது. அதே போன்று காற்றில் உள்ள ஈரப்பதத்தின் அளவு 90 சதவீதமாகவும் குறைந்தபட்ச வெப்பநிலை 25 டிகிரி செல்ஷியஸ் ஆகவும் பதிவாகியுள்ளது.

தொடர் மழை காரணமாக டெல்லியில் விமான போக்குவரத்து கடுமையாக பாதிக்கப்பட்டது. மேலும், மழை வெள்ளத்தால் சாலைகளில் நீர் பெருக்கெடுத்து ஓடுகிறது. இதனால் கடும் போக்குவரத்து நெரிசலுக்கு டெல்லி மாநகரம் ஆளாகியுள்ளது.

இதனையடுத்து, சாலைகளில் நீண்ட தூரத்திற்கு வாகனங்கள் காத்து கிடக்கின்றன. இந்த போக்குவரத்து நெரிசலில் சிக்கி ராணுவ தளபதி உள்ளிட்ட முக்கிய பிரமுகர்கள் மற்றும் பொதுமக்கள் கடும் அவதிக்கு உள்ளாகியுள்ளனர்.

English summary

Heavy rains continued to lash the national capital for the second consecutive day today leading to water-logging and traffic jams in many areas of the city.