தலைநகர் டெல்லியில் இந்திக்கு "நகி"... ஆங்கில மீடியம் பள்ளிகளில் அலைமோதும் மாணவர்கள்
டெல்லி: மத்திய அரசு இந்தியை திணிக்க படாதபாடு பட்டுக் கொண்டிருக்கும் நிலையில் தலைநகர் டெல்லியில் இந்தி மீடியம் பள்ளிகளில் மாணவர் சேர்க்கை வெகுவாக குறைந்துவிட்டது. டெல்லியில் கடந்த சில ஆண்டுகளில் ஆங்கில மீடியம் பள்ளிகளில்தான் மாணவர் சேர்க்கை அலைமோதுகிறது..
தலைநகர் டெல்லியில் 2008-09ஆம் ஆண்டு மாணவர் சேர்க்கையில் இந்தி மீடியம் பள்ளிகளை விட 2 மாவட்டங்களில்தான் ஆங்கில மீடியம் பள்ளிகள் அதிக இடம்பிடித்திருந்தன.
ஆனால் கடந்த 5 ஆண்டுகளில் நிலைமை தலைகீழாகத் தொடங்கிவிட்டது. 2013-14ஆம் ஆண்டு மாணவர் சேர்க்கையிலோ 3 மாவட்டங்களில்தான் மாணவர் சேர்க்கையில் இந்தி மீடியம் பள்ளிகள் அதிக இடத்தை பிடித்திருக்கிறது.
அதாவது ஆங்கில மீடியம் பள்ளிகளில் 2008-09ஆம் ஆண்டுகளில் 37% ஆக இருந்த மாணவர் சேர்க்கை என்பது 2013-14ஆம் ஆண்டில் 49% ஆக அதிகரித்துள்ளது.
ஆங்கில மீடியம் மாணவர் சேர்க்கையில் புதுடெல்லி மாவட்டம்தான் முதலிடத்தில் இருக்கிறது.
2008-09ஆம் ஆண்டில் 58.5% ஆக இருந்தது... 2013-14ஆம் ஆண்டில் 79.7% ஆக உயர்ந்துள்ளது.
அடுத்ததாக தென்மேற்கு டெல்லியில் 52.3% ஆக இருந்த மாணவர் சேர்க்கை 63.9% ஆக அதிகரித்துள்ளது.
ஆங்கில மீடியம் மாணவர்கள் சேர்க்கையானது
கிழக்கு டெல்லியில் 2008-09 ஆம் ஆண்டின் 44.6%-ல் இருந்து 2013-14ஆம் ஆண்டில் 55.6%
மேற்கு டெல்லியில் 47.5%- ல் இருந்து 51.8%
தெற்கு டெல்லியில் 35.5%-ல் இருந்து 49.5%
மத்திய டெல்லியில் 21.9%-ல் இருந்து 45.1%
வடக்கு டெல்லியில் 20.2%-ல் இருந்து 41.7%
வடமேற்கு டெல்லியில் 35.4%-ல் இருந்து 41.5%
வடகிழக்கு டெல்லியில் 21.4%-ல் இருந்து 34.9% ஆக உயர்ந்துள்ளது.
2008-09ஆம் ஆண்டு முதல் 2013-14ஆம் ஆண்டுவரையில் இந்தி மீடியம் பள்ளிகளில் சேரும் மாணவர் எண்ணிக்கையானது சுமார் 1.4 லட்சம் அளவுக்கு குறைந்துள்ளது.
அதே நேரத்தில் டெல்லியில் ஆங்கிலம் மீடியம் பள்ளிகள் சேருவோர் எண்ணிக்கை சுமார் 4.5 லட்சமாக உயர்ந்துள்ளது என்கிறது புள்ளி விவரங்கள்...
ஆஹா டெல்லியிலும் இந்திக்கு 'நகி'...