‛‛கைக்கொடுத்த பாராசூட்’’.. தரையில் விழுந்த தேஜஸ் விமானத்தில் பைலட் தப்பியது எப்படி? திக்திக் வீடியோ

ஜெய்ப்பூர்: தேஜஸ் ரக விமானம் முதல் முறையாக இன்று விபத்தில் சிக்கியது. ராஜஸ்தான் மாநிலம் ஜெய்சால்மாரில் இந்திய விமானப்படைக்குச் சொந்தமான தேஜஸ் விமானம் இன்று விழுந்து நொறுங்கி தீப்பற்றி எரிந்து கருகியது. முன்னதாக தரையில் வேகமாக மோத சென்ற தேஜஸ் விமானத்தில் இருந்து பாராசூட் மூலம் பைலட் உயிர் தப்பியது எப்படி? என்பது தொடர்பான வீடியோ வெளியாகி உள்ளது.

இந்திய விமானப்படையில் ஏராளமான விமானங்கள் உள்ளன. இந்த விமானங்கள் போர் நடவடிக்கைக்கும், இந்தியாவின் எல்லைகளில் பறந்து கண்காணிப்பு பணியை மேற்கொள்ளவும், பேரிடர் உள்ளிட்ட அவசர காலங்களில் மக்களுக்கு உதவவும் பயன்படுத்தப்பட்டு வருகிறது.

சமீபத்தில் பழைய மிக் 21 ரக போர் விமானங்களுக்குப் பதிலாக தேஜஸ் விமானம் அறிமுகம் செய்யப்பட்டது. மிக் 21 ரக விமானத்தை விட அதிக செயல் திறனில் இந்த விமானம் உருவாக்கப்பட்டது. தேஜஸ் என்பது வெளிநாடுகளின் பங்களிப்பு இன்றி இந்தியாவிலேயே தயாரிக்கப்பட்ட அதிநவீன விமானமாகும்.

இந்த விமானத்தை ஹிந்துஸ்தான் ஏரோநாட்டிக்ஸ் லிமிடெட் நிறுவனம் தான் வடிவமைத்தது. உண்மையில் இந்த விமானம் இந்திய விமானப்படைக்கு அதிக பலத்தை வழங்கி வருகிறது. ஏனென்றால் இந்த விமானம் அதிகபட்சம் 2,205 கிமீ வேகத்தில் செல்லக்கூடியதோடு 4000 கிலோ வரை சுமந்து செல்ல முடியும். இதற்கிடையே தான் தேஜஸ் போர் விமானத்தில் இன்று பயிற்சி மேற்கொள்ளப்பட்டது.

जैसलमेर में सेना का फाइटर प्लेन क्रैश: घर की दीवार से टकराया विमान, भारत शक्ति अभ्यास में जा रहा था |#Rajasthan #Jaisalmer #fighterplanecrash #jaisalmer pic.twitter.com/X58wLsmx6y

— Kishore Singh Rathore (@Fortkotra) March 12, 2024

ராஜஸ்தான் மாநிலம் ஜெய்சால்மர் விமானப்படைக்கு சொந்தமான தேஜஸ் விமானம் இன்றைய பயிற்சியின்போது திடீரென்று துரதிர்ஷ்டவசமாக விபத்தில் சிக்கியது. அதாவது ராஜஸ்தானில் ஜெய்சால்மார் அருகே உள்ள விடுதியின் அருகே தேஜஸ் போர் விமானம் பறந்து கொண்டிருந்தது. அப்போது திடீரென்று விமானம் பைலட்டின் கட்டுப்பாட்டை இழந்த நிலையில் தரையில் விழுந்து நொறுங்கி தீப்பிடித்தது.

முன்னதாக பைலட் தேஜஸ் விமானத்தில் இருந்து பாராசூட் மூலம் பறந்து அதிர்ஷ்டவசமாக உயிர் தப்பினார். தற்போது அவருக்கு மருத்துவ சிகிச்சை அளிக்கப்பட்டு வருகிறது. இந்த விமானம் எப்படி விபத்தில் சிக்கியது? என்பது உடனடியாக தெரியவில்லை. இதனால் தேஜஸ் விமானம் எப்படி விபத்தில் சிக்கியது? என்பது பற்றிய விமானப்படை சார்பில் விசாரணைக்கு உத்தரவிடப்பட்டுள்ளது.

இந்நிலையில் தான் விபத்தில் சிக்குவதற்கு சில வினாடிகள் முன்பு தேஜஸ் விமானத்தில் இருந்து பைலட் எப்படி பராசூட் மூலம் தப்பினார் என்பது தொடர்பான வீடியோ வெளியாகி உள்ளது. அதாவது கட்டுப்பாட்டை இழந்த தேஜஸ் விமானம் வானில் இருந்து மின்னல் வேகத்தில் தரையை நோக்கி பறந்து வருகிறது. இந்த வேளையில் பைலட் விமானத்தில் உள்ள Eject பொத்தானை அழுத்தி பராசூட் உதவியுடன் பறந்து செல்கிறார். விமான இருக்கையில் இருந்து வெளியேறி பாராசூட்டில் பைலட் பறப்பதை அந்த பகுதியில் இருந்தவர் தனது செல்போனில் வீடியோவாக எடுத்துள்ளார். இந்த வீடியோ தற்போது வெளியாகி வேகமாக பரவி வருகிறது.

பொதுவாக போர் விமானங்களை ஒருவர் அல்லது 2 பேர் இயக்கும் வகையில் வடிவமைக்கப்பட்டு இருக்கும். இன்று விபத்தில் சிக்கிய தேஜஸ் போர் விமானம் ஒரு பைலட்டால் இயக்கக்கூடியது. மேலும் போர் விமானங்களில் ஏதேனும் கோளாறு அல்லது பிரச்சனை ஏற்பட்டால் பைலட்டுகள் அதில் இருந்து பராசூட் மூலம் பறந்து தப்பிக்கும் வசதி நடைமுறையில் உள்ளது. இந்த வசதியை பயன்படுத்தி தான் இன்று தேஜஸ் போர் விமானம் விபத்தில் சிக்கினாலும் கூட அதன் பைலட் பத்திரமாக உயிர் தப்பி உள்ளார் என்பது குறிப்பிடத்தக்கது.

English summary

Tejas Jet accident: For the first time, a Tejas plane has not met with an accident today. A Tejas aircraft belonging to the Indian Air Force crashed and caught fire in Rajasthan's Jaisalmar today. How did the pilot escape by parachute from the Tejas plane that crashed into the ground earlier? A related video has been released.