வைகோ கூட்டணி குறித்துப் பேசினாரா என்பதை என்னால் உறுதிப்படுத்த முடியாது- இல.கணேசன்

Published: Tuesday, December 17, 2013, 9:42 [IST]

Subscribe to Oneindia Tamil

I cannot confirm details of Vaiko' talks with Rajnath Singh, says Ila Ganesan

டெல்லி: பாஜக தலைவர் ராஜ்நாத் சிங்குடன், மதிமுக பொதுச் செயலாளர் வைகோ பேசியபோது, கூட்டணி குறித்து பேசினாரா என்பதை என்னால் அதிகாரப்பூர்வமாக உறுதிப்படுத்த முடியாது என்று பாஜக தேசிய பொதுக்குழு உறுப்பினர் இல.கணேசன் கூறியுள்ளார்.

இதுகுறித்து டெல்லியில் செய்தியாளர்களிடம் அவர் பேசுகையில், மதிமுக பொதுச் செயலாள ர்வைகோ சென்ற வாரம் டெல்லிக்கு வந்து ராஜ்நாத் சிங்கை சந்தித்து 4 மாநிலங்களில் பா.ஜ.க. பெற்ற வெற்றிக்கு வாழ்த்து தெரிவித்ததாக சொன்னார். அவர் தொடர்ச்சியாக எல்லா இடங்களிலும் சொல்லி வருவது மோடி பிரதமராக வேண்டும் என்பதே.

எனவே, வைகோவின் சந்திப்பு நியாயமான ஒரு ஊகத்தைத்தான் உருவாக்கியிருக்கிறது. ஆனால் கூட்டணிக்காக பேசினார்களா என்பதை அதிகாரபூர்வமாக என்னால் உறுதிப்படுத்த முடியாது. காந்திய மக்கள் இயக்கத் தலைவர், தமிழருவி மணியன் போன்றவர்கள் எடுத்து வரும் முயற்சிகள், தனிப்பட்ட முயற்சிகள். அவரது முயற்சிகளுக்கும், பா.ஜ.கவுக்கும் சம்பந்தம் இல்லை என்றார் கணேசன்.

Published On December 17, 2013