ம.பி.யில் ஹெர்குலஸ் சி-130 ஜே விமானம் விபத்துக்குள்ளானது- 5 பேர் பலி

குவாலியர்: நாட்டின் விமானப் படையின் சி-130 ஜே சூப்பர் ஹெர்குலஸ் விமானம் இன்று மத்திய பிரதேச மாநிலத்தில் விபத்துக்குள்ளானதில் அதில் பயணம் செய்த 5 பேரும் பலியானதாக தெரிகிறது.

இந்திய விமானப் படைக்காக பிரம்மாண்டமான ஹெர்குலஸ் சி-130 ஜே விமானம் அண்மையில் வாங்கப்பட்டிருந்தது. ஜம்மு காஷ்மீர் எல்லையில் தெளலட் பெக் ஓடி பகுதியில் சீனா ஊடுருவலை மேற்கொண்ட போது இந்த விமானம் அங்கு நிறுத்தப்பட்டிருந்தது.

அதன் பின்னர் 239 பயணிகளுடன் மாயமான மலேசிய விமானத்தைத் தேடும் பணியிலும் இந்த விமானம் ஈடுபட்டது.

இந்நிலையில் மத்திய பிரதேச மாநிலத்தின் குவாலியர் அருகே சி-130 ஜே ஹெர்குலஸ் விமானம் இன்று விபத்துக்குள்ளானது. இந்த விமானத்தில் பயணம் செய்த 5 பேரும் உயிரிழந்துவிட்டதாக விமானப் படை வட்டார தகவல்கள் தெரிவிக்கின்றன.

English summary

A newly-acquired aircraft of the Indian Air Force crashed near Gwalior on Friday. The C-130 J Super Hercules aircraft was carrying an unknown number of people, officials said.