பிரதமர் மோடி காரில் அமர்ந்ததும் செய்யும் முதல் விஷயம் இதுதான்! வைரலாகும் வீடியோ

டெல்லி: காரில் சீட் பெல்ட் அணிவதன் அவசியத்தை பிரதமர் மோடியை கொண்டு விளக்கியுள்ளது மத்திய அரசு.

மத்திய அரசின், ஊடகத் தொடர்பு அமைப்பான (PIB) தனது ட்விட்டர் பக்கத்தில் ஒரு வீடியோவை ஷேர் செய்துள்ளது. "நமது பிரதமர் காரில் ஏறியதும் முதலில் செய்யக் கூடிய விஷயம் அவரது சீட் பெல்ட்டை அணிவது தான். சீட் பெல்ட் அணியாமல் இருக்க நீங்கள் சொல்லும் சாக்குப்போக்கு என்ன" என்று கேள்விக்குறியோடு இருக்கிறது அந்த வாசகம்.

இத்துடன் ஒரு குட்டி வீடியோவையும் வெளியிட்டு உள்ளார்கள். அதில் பிரதமர் காரில் ஏறியதும் சீட் பெல்ட் அணிவது ஃபோகஸ் செய்து காட்டப்பட்டுள்ளது.

பாதுகாப்பு நிறைந்த வாகனத்தில் பயணிக்கும் பிரதமரே, இதுபோல சீட் பெல்ட் அணியும்போது நீங்கள் ஏன் அணிய கூடாது என்று மக்களைப் பார்த்து கேட்பது போல உள்ளது, இந்த விழிப்புணர்வு வீடியோ.

First thing the Prime Minister does when getting in his car is put his seat belt on...Whats your excuse??

Wear your seat belt.#SadakSurakshaJeevanRaksha #RoadSafety @nitin_gadkari @akshaykumar @PMOIndia @narendramodi @mansukhmandviya pic.twitter.com/ewLKjJAlxb

— PIB India (@PIB_India) August 21, 2018

இந்த வீடியோ, அதிக நெட்டிசன்களை சென்று சேர்ந்துள்ளது. விழிப்புணர்வுக்கான, நல்ல முயற்சி என்று சமூக வலைத்தளங்களில் நெட்டிசன்கள் பாராட்டு தெரிவித்து வருகிறார்கள்.

சீட் பெல்ட் அணிந்தால், திடீர் பிரேக் போடும் போதோ, விபத்தின்போதோ, அடிபடும் வாய்ப்பு குறையும் என்பதால், சட்டப்படி, இது கட்டாயமாக்கப்பட்டுள்ளது குறிப்பிடத்தக்கது.

English summary

The Press Information Bureau (PIB) has shared an inspiring video of the PM wearing his seat belt the moment he gets into the car. The video was shared with an objective of promoting road safety.