இளையராஜா இதுவரை பெற்ற பத்ம விருதுகள் என்னென்ன?
தற்போது இசைஞானி இளையராஜாவுக்கு பத்மவிபூஷண் விருது அறிவிக்கப்பட்டுள்ள நிலையில் அவர் இதுவரை விருதுகளின் பட்டியலை பார்ப்போம்.
Recommended Video
டெல்லி : இசைஞானி இளையராஜாவுக்கு இந்த ஆண்டுக்கான பத்ம விபூஷண் விருது வழங்கப்படுகிறது. இந்நிலையில் அவர் இதுவரை பெற்ற விருதுகளை என்னென்ன என்பதை குறித்த விவரங்களை பார்ப்போம்.
இந்தியாவின் சிறந்த திரைப்பட இசையமைப்பாளர்களுள் ஒருவராக வலம் வந்தவர் இளையராஜா. அன்னக்கிளி என்ற திரைப்படத்துக்கு இசை அமைத்ததன் மூலம் 1976 இல் தமிழ் திரையுலகிற்கு அறிமுகமானார். இதுவரை 1000 க்கும் மேற்பட்ட தமிழ், தெலுங்கு, மலையாளம், கன்னடம், இந்தி திரைப்படங்களுக்கு இசையமைத்துள்ளார். இவருக்கு இந்திய அரசின் படைத்துறை-சாரா விருதுகளில் மூன்றாவது உயரிய விருதான பத்ம பூஷண் விருது 2010-ஆம் ஆண்டு அளிக்கப்பட்டது.
தமிழக நாட்டுப்புற இசை, கர்நாடக இசை மற்றும் மேற்கத்திய இசையில் புலமையும் முறையான பயிற்சியும் பெற்றவர். சிறந்த இசையமைப்பாளருக்கான தேசிய விருதை நான்கு முறை பெற்றுள்ளார். திரைப்படங்களுக்கான சிறந்த பின்னணி இசையமைப்புக்கும் பெயர் பெற்றவர். இதுவரை இளையராஜாவுக்கு கிடைத்த விருதுகளின் பட்டியல்:
- தமிழக அரசின் கலைமாமணி விருதை பெற்றவர்.
- 1988-ஆம் ஆண்டு மத்திய பிரதேச அரசின் லதா மங்கேஷ்கர் விருது
- 1995ஆம் ஆண்டு கேரள அரசின் விருது
- இசையில் சாதனை புரிந்ததற்காக 1994-ஆம் ஆண்டு அண்ணாமலை பல்கலைக்கழகத்தினாலும், 1996ஆம் ஆண்டு மதுரை காமராசர் பல்கலைக்கழகத்தினாலும் முனைவர், டாக்கடர் பெற்றவர்.
- 2010-இல் பத்ம பூஷண் விருது.
- இளையராஜா, இந்திய அரசின் இசைக்கான தேசிய விருதினை ஐந்து முறைப் பெற்றுள்ளார். அவருக்கு விருதினைப் பெற்றுத் தந்த படங்கள், 1985இல் - சாகர சங்கமம் (தெலுங்கு)
- 1987இல் - சிந்து பைரவி (தமிழ்), 1989இல் - ருத்ர வீணை (தெலுங்கு), 2009இல் - பழஸிராஜா (மலையாளம்), 2016இல் - தாரை தப்பட்டை (பின்னணி இசை) ஆகியன ஆகும். தற்போது நாட்டின் 2-ஆவது உயரிய குடிமகன் விருதான பத்மவிபூஷண் விருதை 2018-ஆம் ஆண்டுக்காக பெறுகிறார் இசைஞானி.