கேரளத்தில் கடந்த 80 நாட்களில் எவ்வளவு மழை பெய்துள்ளது தெரியுமா?

டெல்லி: கேரளத்தில் 2346 மி.மீ மழை பதிவானதாக இந்திய வானிலை ஆய்வு மையம் தெரிவித்துள்ளது.

தென்மேற்கு பருவமழை தீவிரமடைந்த நிலையில் கேரளத்தில் கனமழை கொட்டி தீர்த்துவிட்டது. இதனால் அப்பகுதி மக்கள் கடும் இன்னலுக்கு ஆளாகியுள்ளனர். வீடு, உடைமைகளை இழந்து அவர்கள் இருக்க இடம் கூட இல்லாமல் மாற்று துணி கூட இல்லாமல் இருந்து வருகின்றனர்.

கேரளத்தில் கடந்த ஜூன் 1-ஆம் தேதி முதல் ஆகஸ்ட் 19-ஆம் தேதி வரை பெய்த மழையின் அளவு கணக்கிடப்பட்டுள்ளது. அதாவது 2,346 மி.மீ. மழை பெய்துள்ளது. இது இயல்பை காட்டிலும் 42 சதவீதம் அதிகமாகும் என்று வானிலை ஆய்வு மையம் தெரிவித்துள்ளது.

கேரள மாநிலத்தில் உள்ள மாவட்டங்களுக்கு விடுக்கப்பட்ட ரெட் அலர்ட் எச்சரிக்கை திரும்ப பெறப்பட்டுள்ளது.

English summary

IMD says that 2,346 mm rain hits in Kerala. ikt was calculated from June 1 to August 19.