மோடி செல்வாக்கு அப்படியே இருக்கு - இந்தியா டுடே சர்வே
டெல்லி: லோக்சபாவுக்கு நாளை தேர்தல் நடந்தால் தேசிய ஜனநாயகக் கூட்டணிக்கு சீட் குறைந்தே கிடைக்கும் என்று இந்தியா டுடே - கர்வி கருத்துக் கணிப்பில் தெரிவிக்கப்பட்டுள்ளது.
பிரதமர் நரேந்திர மோடியின் செல்வாக்கு குறையவில்லை என்றாலும் கூட பாஜக கூட்டணிக்கு சரிவு ஏற்படும் என்றும் இந்த கருத்துக் கணிப்பில் தெரிவிக்கப்பட்டுள்ளது.
பிரதமர் பதவிக்கு வந்தது முதல் இப்போது வரை மோடியின் செல்வாக்கு அப்படியே நிலையாக உள்ளதாக இந்த கருத்துக் கணிப்பில் தெரிவிக்கப்பட்டுள்ளது
53 சதவீத ஆதரவு
கருத்துக்கணிப்புக்கு உட்படுத்தப்பட்டவர்கள் மத்தியில் 53 சதவீத ஆதரவை மோடி பெற்றுள்ளார். 2வது இடத்தில் ராகுல் காந்தி வருகிறார். அவருக்கான ஆதரவு 22 சதவீதம் என தெரிவிக்கப்பட்டுள்ளது.
மோடி சிறந்த பிரதமராம்
சுதந்திரத்திற்குப் பின்னர் கிடைத்த சிறந்த பிரதமர் என்றும் இந்தக் கருத்துக் கணிப்பு கூறுகிறது. அதாவது 28 சதவீதம் பேர் சுதந்திரத்திற்குப் பிறகு கிடைத்த சிறந்த பிரதமர் மோடி எனத் தெரிவித்துள்ளனர். இந்திரா காந்திக்கு 20 சதவீத ஆதரவுடன் 2வது இடம் கிடைத்துள்ளது.
மோடி செயல்பாடு சிறப்பு
மோடியின் செயல்பாடுகள் சிறப்பாக இருப்பதாக 41 சதவீதம் பேரும், சராசரியாக உள்ளதாக 25 சதவீதம் பேரும் கூறியுள்ளனர் என்று இந்தக் கருத்துக் கணிப்பில் தெரிவிக்கப்பட்டுள்ளது.
சி வோட்டர் சர்வே முடிவுகள்
இதேபோல சிவோட்டர் சர்வேயிலும் மோடியின் செல்வாக்கு அப்படியே இருப்பதாக தெரிவிக்கப்பட்டுள்ளது. இந்தக் கருத்துக் கணிப்பில் பிரதமர் பதவிக்கு பொருத்தமானவர் மோடி என்று 66 சதவீதம் பேரும், ராகுல் காந்தி என்று 28 சதவீதம் பபேரும் கூறியுள்ளனர்.
Click it and Unblock the Notifications
Sign in with Google