ரூ.2 கோடியில் அரண்மனையை அலங்கரித்து நடந்த இர்பான் பதான், சஃபா திருமண வரவேற்பு
வதோதரா: கிரிக்கெட் வீரர் இர்பான் பதானின் திருமண வரவேற்பு நிகழ்ச்சி செவ்வாய்க்கிழமை வதோதராவில் பிரமாண்டமாக நடைபெற்றது.
கிரிக்கெட் வீரர் இர்பான் பதான் ஜெத்தாவை சேர்ந்த தனது காதலியும், மாடலுமான சஃபா பைக் என்பவரை கடந்த மாதம் சவுதி அரேபியாவில் உள்ள மெக்காவில் ரகசியமாக திருமணம் செய்து கொண்டார்.
திருமணத்தில் இர்பான் மற்றும் சஃபாவின் குடும்பத்தினர் மட்டுமே கலந்து கொண்டனர். அதன் பிறகு அவர் தனது மனைவியுடன் சேர்ந்து புகைப்படம் எடுத்து அதை வெளியிட்டார். யாருக்கும் சொல்லாமல் திருமணம் நடந்ததால் குஜராத் மாநிலம் வதோதராவில் செவ்வாய்க்கிழமை பிரமாண்ட வரவேற்பு நிகழ்ச்சி நடைபெற்றது.
திருமண வரவேற்பு நிகழ்ச்சி வதோதராவில் உள்ள லக்ஷ்மி விலாஸ் அரண்மனையில் நடைபெற்றது. நிகழ்ச்சியில் பாலிவுட் பிரபலங்கள், கிரிக்கெட் வீரர்கள், குஜராத் அரசு அதிகாரிகள், தொழில் அதிபர்கள் என 2 ஆயிரம் பேர் கலந்து கொண்டனர்.
வரவேற்பு நிகழ்ச்சிக்காக அரண்மனையை அலங்கரிக்க மட்டும் ரூ.2 கோடி செலவு செய்யப்பட்டுள்ளது.