உலகின் மிகப்பெரிய டைனிங் டேபிளில் மோடியுடன் டின்னர் சாப்பிட்ட இவாங்கா.. அசத்திய மெனு இதுதான்
Recommended Video
ஹைதராபாத்: உலக தொழில் முனைவோர் மாநாட்டில் பங்கேற்க வந்த அமெரிக்க அதிபர் டொனால்ட் ட்ரம்ப் மகள், இவாங்கா பிரதமர் மோடியுடன் சாப்பிட்ட உணவு மெனு குறித்த தகவல் வெளியாகியுள்ளது.
இவாங்காவுக்கு, இளவரசி டயானாவுக்கு வழங்கப்பட்டதை போன்ற சிவப்பு கம்பள வரவேற்பு கொடுத்து முதல் ஒவ்வொன்றிலும் பார்த்து பார்த்து வரவேற்பு வழங்கப்பட்டது.
ட்ரம்பின் அதிகாரப்பூர்வற்ற ஆலோசகராக இவர்தான் செயல்படுகிறார் என்பதும் இந்த உபசரிப்புகளுக்கு காரணமாக இருக்கலாம் என தெரிகிறது.
அரண்மனையில் விருந்து
ஹைதராபாத்திலுள்ள புகழ் பெற்ற மார்பிள் பலாக்னுமா அரண்மனையில்தான் நேற்று இரவு இவாங்காவிற்கு டின்னர் வழங்கப்பட்டது. இந்த அரண்மனை நிஜாம் ராஜ வம்சத்தினருக்கு சொந்தமாக இருந்ததாகும்.
உலகின் பெரிய டேபிள்
இவாங்காவும், மோடியும், உணவு சாப்பிட அமர்ந்திருந்த டைனிங் டேபிள்தான் உலகிலேயே மிக நீண்ட டைனிங் டேபிளாகும். ஒரே நேரத்தில் 101 பேர் அமர்ந்து சாப்பிடும் அளவுக்கு பெரிதானது அது.
மெனு இதுதான்
5 வகையான இரவு விருந்தில் கோஸ்ட் ஷிகாம்புரி கபாப், குபானி கே மலாய் கொஃப்டா, முர்க்பிஸ்தா கா சலன் மற்றும் சிதாபல் குல்பி ஆகியவை விருந்தில் கவனம் ஈர்த்த சில டிஷ்களாகும். அத்திப்பழம், குங்குமப்பூ போன்ற தனித்துவம்மிக்க பொருட்கள் உணவில் சேர்க்கப்பட்டுள்ளது.
இவாங்காவை கவர்ந்த பிரியாணி
அதேநேரம் ஹைதராபாத்திற்கென்று புகழ் பெற்ற பிரியாணி விருந்தில் இடம்பெற்றதா என்பது குறித்த தகவல் வெளியாகவில்லை. இவாங்கா தனது உரையின்போது, இங்கு தொடங்கப்படும் தொழில்கள், உங்களின் புகழ் பெற்ற பிரியாணியை விட புகழ் பெறப்போகிறது என வாழ்த்தியிருந்தார்.