கடைகளில் எல்.இ.டி. பல்புகளை திருடிய கலால்துறை சப்-இன்ஸ்பெக்டர்... சிசிடிவி கேமராவில் சிக்கியவர் கைது
ஸ்ரீநகர் : ஜம்மு மற்றும் காஷ்மீரில் உள்ள சில கடைகளில் எல்.இ.டி. பல்புகளை திருடிய கலால் துறை சப்-இன்ஸ்பெக்டர் சி.சி.டி.வி. கேமராவில் சிக்கியதையடுத்து, கைது செய்யப்பட்டுள்ளார்.
நானக் நகர் பகுதியில் உள்ள கடையின் வெளியே இருந்த எல்.இ.டி. பல்புகளை மாநில கலால் துறை சப்-இன்ஸ்பெக்டர் ஒருவர் திருடும் காட்சிகள் வீடியோவில் பதிவாகி சமூக வலைதளங்களில் பரவியது.
அந்த வீடியோவில் நானக் நகர் பகுதியில் உள்ள கம்ப்யூட்டர் நிறுவனத்தின் முன் தனது இருசக்கர வாகனத்தை கலால் துறை சப்-இன்ஸ்பெக்டர் விகாஸ் கஜூரியா நிறுத்துகிறார்.
பின்னர் அந்த நிறுவனத்தின் வெளிப்பகுதியில் இருந்த எல்.இ.டி. பல்புகளை சப்-இன்ஸ்பெக்டர் விகாஸ் கஜூரியா திருடுகிறார். இந்த காட்சிகள் அனைத்தும் சி.சி.டி.வி. கேமராவில் பதிவாகியுள்ளது.
இதையடுத்து, சப்-இன்ஸ்பெக்டர் விகாஸ் கஜூரியா கைது செய்யப்பட்டு விசாரணை நடைபெற்று வருவதாக அதிகாரிகள் தெரிவித்துள்ளனர்.
கஜூரியா மனநலம் பாதிப்பிற்கு ஆளானவர் என்றும் கலால் துறையில் அவருக்கு எதிராக சில விசாரணைகளும் நடைபெற்று வருவதாகவும் கூறப்படுகிறது.
Click it and Unblock the Notifications
Sign in with Google