ஜம்மு-காஷ்மீர் முதல்வர் முப்தி முகமது சயீது மரணம்

டெல்லி: ஜம்மு-காஷ்மீர் முதல்வர் முப்தி முகமது சயீத் உடல் நிலக்குறைவால் மரணமடைந்தார், அவருக்கு வயது 79.

உடல்நிலை பாதிக்கப்பட்ட நிலையில் டெல்லி எய்ம்ஸ் மருத்துவமனையில் டிசம்பர் 24ம் தேதி சேர்க்கப்பட்டு, கடந்த 2 வாரங்களாக தீவிர சிகிச்சைப்பிரிவில் சிகிச்சை பெற்றுக்கொண்டிருந்தார் முப்தி முகமது சயீத்.

இந்நிலையில் அவரது உடல்நிலையில் கவலைக்கிடமாக உள்ளதாகவும், மருத்துவர்கள் அவரை தொடர்ந்து கவனித்து வருவதாகவும் மருத்துவமனை வட்டாரங்கள் நேற்று தெரிவித்தன.

தொடர்ந்து உடல் நிலை மோசமான நிலையில், இன்று காலை முப்தி முகமது சயீத் மரணமடைந்தார்.

ஜம்மு - காஷ்மீர் மாநிலத்தில், முதல்வர் முப்தி முகமது சயீத் தலைமையிலான மக்கள் ஜனநாயக கட்சி-பாஜக கூட்டணி ஆட்சி நடக்கிறது. முப்தி மரணமடைந்துள்ள நிலையில், அவரது மகளும், எம்.பி.யுமான மெகபூபா முப்தியை முதல்வராக்க, மக்கள் ஜனநாயக கட்சித் தலைவர்கள் முடிவு செய்து உள்ளதாக தகவல்கள் தெரிவிக்கின்றன.

English summary

Jammu and Kashmir Chief Minister Mufti Mohammed Sayeed, who was admitted to a hospital in Delhi two weeks ago, has died. He was 79.