இஷ்ட தெய்வம் மைசூர் சாமுண்டீஸ்வரி கோயிலில் சாமி தரிசனம் செய்ய ஜெ. திட்டம்

பெங்களூரு: சொத்துக்குவிப்பு வழக்கில், சாதகமான தீர்ப்பு வெளியாகியுள்ள நிலையில், மைசூர் சாமுண்டீஸ்வரி கோயிலில் ஜெயலலிதா சிறப்பு வழிபாடு செய்ய திட்டமிட்டுள்ளதாக கர்நாடக வட்டாரங்கள் தெரிவிக்கின்றன.

ஜெயலலிதாவின் சொந்த ஊர் கர்நாடக மாநிலம், மண்டியா மாவட்டத்திலுள்ளது. சிறுவயது முதலே ஜெயலலிதாவின் இஷ்ட தெய்வம், மைசூரு சாமுண்டீஸ்வரி தேவியாகும். ஜெயலலிதா மீதான சொத்துக்குவிப்பு வழக்கில், அவருக்கு ஆதரவாக தீர்ப்பு வர வேண்டும் என்று வேண்டிக்கொண்டு கர்நாடக அதிமுகவினர் வழிபாடுகளை நடத்தினர்.

இந்நிலையில், தனது இஷ்ட தெய்வத்தை வணங்குவதற்காக விரைவில், ஜெயலலிதா மைசூரு வர உள்ளதாகவும், அவர் முதல்வராக மீண்டும் பொறுப்பேற்ற பிறகா அல்லது அதற்கு முன்பா என்பது இன்னும் உறுதியாகவில்லை என்றும் தகவல்கள் தெரிவிக்கின்றன.

English summary

Jayalalitha may visit Mysoru Chamundeeswari temple to worship the almighty as she got relief from the asset case.