சித்தராமையா VS டிகே சிவக்குமார்: கர்நாடகா அமைச்சரவையில் 50:50 பார்முலா

Updated: Friday, May 19, 2023, 15:30 [IST]

Subscribe to Oneindia Tamil

பெங்களூரில் இருந்து சித்தராமையா, டிகே சிவக்குமார் இன்று மீண்டும் டெல்லி பயணம் செய்கின்றனர். கர்நாடகா அமைச்சரவை அமைப்பது குறித்து மேலிட தலைவர்களுடன் இன்று ஆலோசனை நடத்த உள்ளனர். முதல்வராக சித்தராமையா, துணை முதல்வராக டிகே சிவக்குமார் நாளை பதவியேற்கும் நிலையில் டெல்லி பயணிக்கின்றனர்.

Karnataka CM Race: Siddaramaiah vs DK Shivakumar LIVE News Updates and Highlights in Tamil

May 19, 2023, 3:27 pm IST

டெல்லியில் உள்ள தனியார் ஓட்டலில் சற்று நேரத்தில் கேசி வேணுகோபால், ரன்தீப் சுர்ஜேவாலா ஆகியோர் சித்தராமையா, டிகே சிவக்குமாருடன் ஆலோசனை நடத்த உள்ளனர். அதன்பிறகு அவர்கள் அனைவரும் மல்லிகார்ஜூன கார்கேவை சந்திக்க உள்ளனர்.

May 19, 2023, 1:27 pm IST

கர்நாடகா

கர்நாடகா அமைச்சரவையில் சித்தராமையா மற்றும் டிகே சிவக்குமாரின் ஆதரவாளர்களுக்கு 50:50 என்ற அடிப்படையில் இடம்பெற வைக்கலாம் என தகவல். சித்தராமையா, டிகே சிவக்குமார் ஆகியோர் டெல்லி சென்ற நிலையில் தகவல் வெளியாகி உள்ளது.

May 19, 2023, 11:48 am IST

நாளை கர்நாடகாவில் காங்கிரஸ் அரசு பதவியேற்கிறது. இந்த விழாவுக்கு பாஜக, ஜேடிஎஸ் கட்சி தலைவர்களும் வர வேண்டும். இது ஒரு கட்சியின் நிகழ்ச்சி இல்லை. அரசு நிகழ்ச்சியாகும். இதனால் அனைவரும் வர வேண்டும் என கர்நாடகா துணை முதல்வராகும் டிகே சிவக்குமார் அழைப்பு விடுத்துள்ளார்.

May 19, 2023, 10:12 am IST

கர்நாடகா முதல்வர் பதவியேற்பு விழாவுக்கு தெலங்கானா முதல்வர் சந்திரசேகரராவ், ஒடிசா முதல்வர் நவீன் பட்நாயக் ஆந்திரா முதல்வர் ஜெகன் மோகன் ரெட்டி, டெல்லி முதல்வர் அரவிந்த் கெஜ்ரிவால், பகுஜன் சமாஜ் கட்சியின் தலைவர் மாயாவதிக்கு காங்கிரஸ் சார்பில் அழைப்பு விடுக்கப்படவில்லை.

May 19, 2023, 10:03 am IST

மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரி, இந்திய கம்யூனிஸ்ட் கட்சியின் பொதுச்செயலாளராக ராஜா ஆகியோருக்கும் காங்கிரஸ் சார்பில் கர்நாடகா முதல்வர் பதவியேற்பு விழாவில் பங்கேற்க அழைப்பு விடுக்கப்பட்டுள்ளது.

May 19, 2023, 10:02 am IST

கர்நாடகா முதல்வராக சித்தராமையா பதவியேற்கும் விழாவுக்கு தமிழக முதல்வர் ஸ்டாலின், மேற்கு வங்க முதல்வர் மம்தா பானர்ஜி, பீகார் முதல்வர் நிதிஷ் குமார், துணை முதல்வர் தேஜஸ்வி யாதவ், தேசியவாத காங்கிரஸ் கட்சியின் தலைவர் சரத்பவார், மகாராஷ்டிரா முன்னாள் முதல்வர் உத்தவ் தாக்கரேவுக்கு காங்கிரஸ் சார்பில் அழைப்பு விடுக்கப்பட்டுள்ளது.

May 19, 2023, 8:06 am IST

கர்நாடகாவில் இன்னும் 2 அல்லது 3 மாதத்தில் அரசியல் மாற்றம் ஏற்படும் என ஜேடிஎஸ் கட்சி தலைவரும், முன்னாள் முதல்வருமான எச்டி குமாரசாமி கூறியுள்ளார். காங்கிரஸ் கட்சியில் முதல்வர் பதவிக்கு சித்தராமையா, டிகே சிவக்குமார் மோதிய நிலையில் அவர் இப்படி தெரிவித்துள்ளது கர்நாடகா அரசியலில் பரபரப்பை ஏற்படுத்தி உள்ளது.

May 18, 2023, 9:51 pm IST

கர்நாடக ஆளுநரை சந்தித்து சித்தராமையா ஆட்சி அமைக்க உரிமை கோரினார். இதை ஏற்று சித்தராமையாவை ஆட்சி அமைக்க வருமாறு கர்நாடக ஆளுநர் தாவர்சாந்த் கெலாட் அழைப்பு விடுத்தார். முதல்வர் பதவியேற்பு விழா வரும் 20 ஆம் தேதி நண்பகல் 12.30 மணிக்கு கண்டீரவா ஸ்டேடியத்தில் நடைபெறுகிறது.

#Karnataka | Congress delegation, including CM-designate Siddaramaiah and Deputy CM-designate DK Shivakumar, meet Governor Thaawarchand Gehlot at Raj Bhavan to stake claim to form the Government. pic.twitter.com/6AtNxMXpcP
— ANI (@ANI) May 18, 2023

May 18, 2023, 9:21 pm IST

காங்கிரஸ் கட்சியின் சட்டமன்றக் குழு தலைவராக ஒருமனதாக தேர்வு செய்யப்பட்ட சித்தராமையா பெங்களூரில் ஆளுநர் தாவர்சந்த் கெலாட்டை சந்தித்து ஆட்சி அமைக்க உரிமை கோரினார்.

May 18, 2023, 8:49 pm IST

கர்நாடகாவில் காங்கிரஸ் கட்சியின் சட்டமன்ற குழு தலைவராக சித்தராமையா தேர்வு செய்யப்பட்டுள்ளார். தேஷ் பாண்டே, எச்.கே பாட்டீல், எம்.பி பாட்டீல், லட்சுமி ஹெபால்கர் ஆகியோர் சித்தராமையாவை முன்மொழிந்தனர்.

May 18, 2023, 8:42 pm IST

கர்நாடக முதல்வர் பதவியேற்பு நிகழ்ச்சிக்கு எங்கள் கூட்டணி கட்சிகள் அனைத்திற்கும் அழைப்பு விடுக்கப்படும். இது ஒரு கொண்டாட்டம் கிடையாது. ஜனநாயகத்திற்கு கொடுக்கும் அர்ப்பணிப்பு. ஜனநாயகத்திற்காக போராடுபவர்களும் அரசியல் அமைப்பை காக்க நினைப்பவர்களும் பதவியேற்பு நிகழ்ச்சியில் கலந்து கொள்ளலாம் என்று கர்நாடக காங்கிரஸ் கட்சியின் பொறுப்பாளர் ரன்தீப் சிங் சுர்ஜேவாலா தெரிவித்துள்ளார்.

May 18, 2023, 8:05 pm IST

கர்நாடகாவில் காங்கிரஸ் எம்.எல்.ஏ.க்கள் கூட்டம் தொடங்கியது. சித்தராமையா, டிகே சிவக்குமார் உள்ளிட்டோர் இந்தக் கூட்டத்தில் பங்கேற்றுள்ளனர். பெங்களூரில் உள்ள கட்சி அலுவலகத்தில் இந்தக் கூட்டம் நடைபெற்று வருகிறது.

May 18, 2023, 7:43 pm IST

காங்கிரஸ் சட்டமன்ற உறுப்பினர்கள் கூட்டம் பெங்களூரில் உள்ள அக்கட்சியின் தலைமை அலுவலகத்தில் நடைபெற உள்ளது. இந்தக் கூட்டத்தில் பங்கேற்க பரமேஸ்வரா உள்பட கட்சியின் எம்.எல்.ஏக்கள் வருகை தர தொடங்கியுள்ளனர். இந்தக் கூட்டத்தில் காங்கிரஸ் சட்டமன்ற குழு தலைவராக சித்தராமையா தேர்வு செய்யப்படுகிறார்.

May 18, 2023, 6:44 pm IST

இன்னும் சற்று நேரத்தில் பெங்களூரில் காங்கிரஸ் எம்எல்ஏக்கள் கூட்டம் தொடங்க உள்ளது.

May 18, 2023, 4:21 pm IST

சித்தராமையா பதவியேற்பு: பீகார் முதல்வர் நிதிஷ்குமார் பங்கேற்பு

May 18, 2023, 4:21 pm IST

சித்தராமையா பதவியேற்பு: பீகார் துணை முதல்வர் தேஜஸ்வி பங்கேற்பு

May 18, 2023, 3:41 pm IST

சித்தராமையா பதவியேற்பு விழா- முதல்வர் ஸ்டாலின் பங்கேற்கிறார்

May 18, 2023, 3:41 pm IST

சித்தராமையா பதவியேற்பு விழா- நாளை மாலை பெங்களூரு செல்கிறார் முதல்வர் ஸ்டாலின்

May 18, 2023, 3:34 pm IST

டெல்லியில் இருந்து சித்தராமையா, டிகே சிவக்குமார் ஆகியோர் ஒரே விமானத்தில் பெங்களூர் புறப்பட்டுள்ளனர். பெங்களூர் எச்ஏஎல் விமான நிலையத்துக்கு மாலை 5.30 மணிக்கு வர உள்ளதாக தகவல். இருவரையும் வரவேற்க ஆதரவாளர்கள் மேள, தாளங்களுடன் பெங்களூரில் தயாராக உள்ளனர்.

May 18, 2023, 2:56 pm IST

சித்தராமையா பதவியேற்பு விழா- முதல்வர் ஸ்டாலினுக்கு அழைப்பு

May 18, 2023, 2:39 pm IST

டெல்லியில் இருந்து சித்தராமையா, டிகே சிவக்குமார் ஆகியோர் ஒரே விமானத்தில் பெங்களூர் புறப்பட்டுள்ளனர்.பெங்களூரில் இன்று இரவு 7 மணிக்கு காங்கிரஸ் எம்எல்ஏக்கள் கூட்டம் நடக்கிறது. அதில் சட்டசபை காங்கிரஸ் குழு தலைவராக (முதல்வர்) சித்தராமையா தேர்வு செய்யப்பட உள்ளார்.

May 18, 2023, 1:24 pm IST

டெல்லியில் இருந்து இன்று 3 மணிக்கு சித்தராமையா, டிகே சிவக்குமார் விமானத்தில் பெங்களூர் விரைகின்றனர். பெங்களூரில் இன்று இரவு 7 மணிக்கு காங்கிரஸ் எம்எல்ஏக்கள் கூட்டம் நடக்கிறது. அதில் சட்டசபை காங்கிரஸ் குழு தலைவராக (முதல்வர்) சித்தராமையா தேர்வு செய்யப்பட உள்ளார்.

May 18, 2023, 12:46 pm IST

கர்நாடகா மக்கள் நலனை பாதுகாக்க இணைந்து செயல்படுவோம்: சித்தராமையா

May 18, 2023, 12:12 pm IST

டெல்லியில் காங்கிரஸ் பொதுச்செயலாளர்கள் கேசி வேணுகோபால், ரன்தீப் சுர்ஜேவாலா பேட்டி

May 18, 2023, 12:12 pm IST

கர்நாடகாவின் முதல்வராக சித்தராமையா தேர்வு செய்யப்பட்டுள்ளார் - கேசி வேணுகோபால்

May 18, 2023, 12:11 pm IST

கர்நாடகாவின் ஒரேயொரு துணை முதல்வராக டிகே சிவக்குமார் நியமனம் - கேசி வேணுகோபால்

May 18, 2023, 12:11 pm IST

துணை முதல்வர் பதவியோடு டிகே சிவக்குமார் மாநில காங்கிரஸ் தலைவராக இருப்பார் - வேணுகோபால்

May 18, 2023, 12:09 pm IST

கர்நாடகா முதல்வராக சித்தராமையா தேர்வு- காங். அறிவிப்பு

May 18, 2023, 12:09 pm IST

கர்நாடகா துணை முதல்வராக டிகே சிவகுமார்- காங். அறிவிப்பு

May 18, 2023, 12:08 pm IST

2024 வரை கர்நாடகா காங். கமிட்டி தலைவராக டிகே சிவகுமார்- காங். அறிவிப்பு

11:29 AM, 16 May

கர்நாடகா சட்டசபை தேர்தலில் தனி மெஜாரிட்டியுடன் காங்கிரஸ் கட்சி ஆட்சியை பிடித்த நிலையில் சித்தராமையா தனது ஆதரவாளர்களுடன் முகாமிட்டு முதல்வர் பதவியை பெற காய்நகர்த்தி வரும் நிலையில் டிகே சிவக்குமார் இன்று டெல்லி விரைகிறார். நேற்று அவர் டெல்லி செல்ல முடிவு செய்திருந்த நிலையில் வயிற்று வலி காரணமாக பயணத்தை ரத்து செய்தார்.

12:13 PM, 16 May

முதல்வர் பதவிக்கான ரேஸில் நானும் உள்ளேன் என கர்நாடகா மாநில முன்னாள் துணை முதல்வர் பரமேஸ்வர் தகவல். டிகே சிவக்குமார் மற்றும் சித்தராமையா இடையே முதல்வர் பதவியை பெறுவதில் போட்டி உள்ள நிலையில் பரமேஸ்வர் ரேஸில் உள்ளதாக தெரிவித்துள்ளார். தலித் சமுதாயத்தை சரே்ந்த பரமேஸ்வர் 8 ஆண்டு கர்நாடகா மாநில தலைவராக இருந்தார். இவரது தலைமையின் கீழ் தான் கடந்த 2013ல் காங்கிரஸ் கட்சி ஆட்சியை பிடித்தது என்பது குறிப்பிடத்தக்கது.

12:49 PM, 16 May

கர்நாடகாவின் அடுத்த முதல்வராக யார் வர வேண்டும் என்பது தொடர்பாக நேற்று முன்தினம் ரகசிய ஓட்டெடுப்பு நடத்தப்பட்டது. இதில் அதிக எம்எல்ஏக்கள் எனக்கு தான் ஓட்டளித்துள்ளனர் என சித்தராமையா தகவல். முதல்வர் பதவியை பெற அவருக்கும், டிகே சிவக்குமாருக்கும் இடையே போட்டி உள்ள நிலையில் சித்தராமையா தகவல்.

1:08 PM, 16 May

கர்நாடகாவின் அடுத்த முதல்வர் யார்? என்பது தொடர்பாக மல்லிகார்ஜூன கார்கே தலைமையில் டெல்லியில் உள்ள அவரது வீட்டில் காங்கிரஸ் தலைவர்கள் தீவிர ஆலோசனை. ராகுல் காந்தி உள்பட பல தலைவர்கள் பங்கேற்பு. கர்நாடகா முதல்வர் பதவிக்கு டிகே சிவக்குமார் மற்றும் சித்தராமையா இடையே கடும் போட்டி நிலவும் நிலையில் பரபரப்பான ஆலோசனை. இருவரில் யாருக்கு முதல்வர் பதவி வழங்குவது, யாரை சமாதானப்படுத்துவது பற்றி தலைவர்கள் ஆலோசிப்பதாக தகவல்

1:16 PM, 16 May

சித்தராமையாவை போல் முதல்வர் பதவி மீது கண்வைத்துள்ள டிகே சிவக்குமார் பெங்களூரில் இருந்து இன்று காலை டெல்லிக்கு புறப்பட்டு சென்றார். இந்நிலையில் அவர் மதியம் 1 மணிக்கு டெல்லி விமான நிலையத்தை அடைந்தார். டெல்லியில் மல்லிகார்ஜூன கார்கே தலைமையில் ராகுல் காந்தி உள்ளிட்ட தலைவர்கள் தீவிர ஆலோசனை நடத்தி வரும் நிலையில் டிகே சிவக்குமார் அங்கு சென்றுள்ளார்.

1:50 PM, 16 May

எனது அண்ணன் டிகே சிவக்குமார் கர்நாடகா முதல்வராக வேண்டும் என்பது எனது ஆசை. காங்கிரஸ் மேலிடத்திடம் எனது அண்ணனுக்கு நியாயம் கிடைக்கும் என நம்புகிறோம். கர்நாடகாவில் காங்கிரஸ் கட்சியை அவர் வளர்த்துள்ளார். இதனை நிச்சயம் கட்சி மேலிடம் கருத்தில் எடுத்து கொள்ளும் என டிகே சிவக்குமாரின் தம்பியும் பெங்களூர் புறநகர் நாடாளுமன்ற தொகுதியின் காங்கிரஸ் எம்பியுமான டிகே சுரேஷ் தெரிவித்துள்ளார்.

2:24 PM, 16 May

முதல்வர் பதவியை எட்டிப்பிடிப்பதில் டிகே சிவக்குமார் மற்றும் சித்தராமையா இடையே கடும் போட்டி நிலவி வருகிறது. இந்நிலையில் மல்லிகார்ஜூன கார்கே தலைமையில் டெல்லியில் உள்ள அவரது இல்லத்தில் காங்கிரஸ் தலைவர்கள் தீவிர ஆலோசனை நடத்தினர். ராகுல் காந்தி, கர்நாடகா காங்கிரஸ் மேலிட பொறுப்பாளர் ரன்தீப் சுர்ஜேவாலா, தேர்தல் பொறுப்பாளர் கேசி வேணுகோபால் உள்ளிட்ட தலைவர்கள் பங்கேற்ற நிலையில் அந்த ஆலோசனை கூட்டம் முடிவடைந்துள்ளது.

2:58 PM, 16 May

கர்நாடகாவில் முதல்வர் பதவிக்கு சித்தராமையா மற்றும் டிகே சிவக்குமார் இடையே போட்டி உள்ளது. மொத்தம் 135 எம்எல்ஏக்கள் காங்கிரஸ் கட்சிக்கு உள்ள நிலையில் டிகே சிவக்குமாரை விட சித்தராமையாவுக்கு அதிக எம்எல்ஏக்களின் ஆதரவு உள்ளதாக கூறப்படுகிறது. அதன்படி சித்தராமையாவுக்கு 80 எம்எல்ஏக்களும், டிகே சிவக்குமாருக்கு 45 எம்எல்ஏக்களும் ஆதரவு தெரிவித்துள்ளதாக கூறப்படுகிறது. இன்னும் சிலர் தலித் முதல்வர் வேண்டும் என விரும்புவதாக தகவல்கள் வெளியாகி உள்ளன.

3:47 PM, 16 May

கர்நாடகா காங்கிரஸ் மாநில தலைவர் என்பதாலேயே ஒருவருக்கு முதல்வர் பதவி வழங்க வேண்டும் என்று விதிகள் ஒன்றும் இல்லை. கர்நாடகா முதல்வராக சித்தராமையா சிறப்பாக செயல்பட்டுள்ளார். தற்போதும் அவர் தேர்தலில் வெற்றி பெற்று எம்எல்ஏக்களின் ஆதரவை அதிகமாக பெற்றுள்ளார். இதனால் சித்தராமையாவுக்கு கட்சி மேலிடம் முதல்வர் பதவியை வழங்கும் என்ற நம்பிக்கை உள்ளது என மைசூர் மாவட்டம் டி நரசிப்புரா எம்எல்ஏவும், முன்னாள் அமைச்சருமான எச்சி மகாதேவப்பா தெரிவித்துள்ளார். இவர் சித்தராமையின் தீவிர ஆதரவாளர் ஆவார். டிகே சிவக்குமார், சித்தராமையா இடையே முதல்வர் பதவிக்கு போட்டி நிலவும் நிலையில் எச்.சி. மகாதேவப்பா இவ்வாறு தெரிவித்துள்ளார்.

4:46 PM, 16 May

முதல்வர் பதவியை பெற மும்முரம் காட்டி வரும் டிகே சிவக்குமார் மற்றும் சித்தராமையா ஆகியோர் இன்று மாலை டெல்லியில் காங்கிரஸ் தலைவர் மல்லிகார்ஜூன கார்கேவை தனித்தனியே சந்திக்க உள்ளனர். மல்லிகார்ஜூன கார்கேவை மாலை 5 மணிக்கு டிகே சிவக்குமாரும், மாலை 6 மணிக்கு சித்தராமையாவும் சந்திக்க உள்ளனர். ஏற்கனவே இன்று ராகுல் காந்தி உள்ளிட்டவர்கள் கர்நாடகா முதல்வர் பதவியை யாருக்கு வழங்குவது பற்றி ஆலோசித்த நிலையில் டிகே சிவக்குமார், சித்தராமையா ஆகியோர் தனித்தனியாக மல்லிகார்ஜூன கார்கேவை சந்திக்க உள்ளனர்.

5:30 PM, 16 May

முதல்வர் பதவிக்கு சித்தராமையா மற்றும் டிகே சிவக்குமார் இடையே கடும் போட்டி உள்ளது. இந்நிலையில் தான் டெல்லியில் காங்கிரஸ் தேசிய தலைவர் மல்லிகார்ஜூன கார்கேவை அவரது இல்லத்தில் டிகே சிவக்குமார் சந்தித்து பேச்சுவார்த்தை நடத்தி வருகிறார்.

6:14 PM, 16 May

டெல்லியில் உள்ள இல்லத்தில் மல்லிகார்ஜூன கார்கே மற்றும் டிகே சிவக்குமார் இடையே நடந்த சந்திப்பு நிறைவு பெற்றது. மல்லிகார்ஜூன கார்கேவின் இல்லத்தில் இருந்து டிகே சிவக்குமார் புறப்பட்டு சென்றார். கர்நாடகா முதல்வர் பதவியை குறிவைத்துள்ள டிகே சிவக்குமாரிடம் அதுபற்றி மல்லிகார்ஜூன கார்கே விவாதித்தார்.

6:57 PM, 16 May

கர்நாடகா முதல்வர் பதவியை பெறும் வகையில் டெல்லியில் முகாமிட்டுள்ள சித்தராமையா, மல்லிகார்ஜூன கார்கோவை சந்தித்து பேசினார். இந்த வேளையில் தனக்கு ஏன் முதல்வர் பதவி வழங்க வேண்டும் என்பது பற்றி சித்தராமையா அவரிடம் எடுத்து கூறினார். முன்னதாக மல்லிகார்ஜூன கார்கேவை டிகே சிவக்குமார் சந்தித்து பேசியதோடு, ‛‛தனக்கு கொடுத்தால் முதல்வர் பதவியை தாருங்கள். இல்லாவிட்டால் துணை முதல்வர், அமைச்சர் என எந்த பொறுப்பும் வேண்டாம்’’ எம்எல்ஏவாகவும், கர்நாடகா மாநில தலைவராகவும் தொடர்வதாக அடம்பிடித்தது பரபரப்பை ஏற்படுத்தியது.

8:13 PM, 16 May

கர்நாடகா முதல்வர் பதவி தொடர்பாக டெல்லியில் காங்கிரஸ் தேசிய தலைவர் மல்லிகார்ஜூன கார்கேவை, சித்தராமையா சந்தித்து பேசினார். சுமார் ஒரு மணிநேரம் இந்த பேச்சுவார்த்தை நடந்த நிலையில் தற்போது முடிவடைந்துள்ளது. இதையடுத்து சித்தராமையா, மல்லிகார்ஜூன கார்கேவின் வீட்டில் இருந்து புறப்பட்டு சென்றார்.

10:30 AM, 17 May

டெல்லியில் முகாமிட்டுள்ள சித்தராமையா இன்று ராகுல் காந்தியை சந்திக்க உள்ளார்.

10:44 AM, 17 May

டெல்லியில் ராகுல் காந்தியை சந்தித்து சித்தராமையா பேச்சுவார்த்தை. காங்கிரஸ் மூத்த தலைவர் கேசி வேணுகோபாலுடன் சென்று சித்தராமையா தனக்கு முதல்வர் பதவி வழங்க வேண்டும் என கோரிக்கை வைத்து வருகிறார்.

11:18 AM, 17 May

பெங்களூர் குமாரகிருபா ரோட்டில் உள்ள சித்தராமையாவின் இல்லத்துக்கு திடீரென போலீஸ் பாதுகாப்பு அதிகரிப்பு. இன்று முதல்வர் யார் என்பதை காங்கிரஸ் மேலிடம் அறிவிக்க உள்ள நிலையில் போலீஸ் பாதுகாப்பு அதிகரிப்பு

11:45 AM, 17 May

கர்நாடகா முதல்வர் பதவிக்கு சித்தராமையாவின் பெயரை கட்சி மேலிடம் இறுதி செய்தியுள்ளதாக தகவல் வெளியாகி உள்ளது

12:12 PM, 17 May

டெல்லியில் சோனியா காந்தியின் வீட்டில் இருந்து சித்தராமையா புறப்பட்டு சென்றார். ராகுல் காந்தியை சந்தித்து சித்தராமையா சுமார் 1 மணிநேரம் பேச்சுவார்த்தை நடத்திய நிலையில் அங்கிருந்து புறப்பட்டு சென்றார்.

#WATCH | Congress leader Siddaramaiah leaves from 10, Janpath after meeting party leader Rahul Gandhi in Delhi#KarnatakaCMsuspense pic.twitter.com/TD1dZ91BCM
— ANI (@ANI) May 17, 2023

12:33 PM, 17 May

டெல்லியில் ராகுல் காந்தியுடன், கர்நாடகா மாநில தலைவர் டிகே சிவக்குமார் சந்தித்து பேச்சுவார்த்தை. சற்று முன்னதாக சித்தராமையா, ராகுல் காந்தியை சந்தித்து பேச்சுவார்த்தை நடத்தி புறப்பட்ட நிலையில் டிகே சிவக்குமார் சந்திப்பு

#WATCH | Karnataka Congress president DK Shivakumar arrives at 10, Janpath to meet party leader Rahul Gandhi

#KarnatakaCM pic.twitter.com/iSBaUOLa11
— ANI (@ANI) May 17, 2023

1:48 PM, 17 May

கர்நாடகா முதல்வர் பதவிக்கு சித்தராமையாவின் பெயரை காங்கிரஸ் மேலிடம் இறுதி செய்துள்ளது. விரைவில் அதிகாரப்பூர்வ அறிவிப்பு வெளியாக உள்ளது. நாளை கர்நாடகா முதல்வராக சித்தராமையா பதவியேற்க உள்ளார்.

1:57 PM, 17 May

டெல்லியில் சோனியா காந்தி வீட்டில் ராகுல் காந்தியுடன் டிகே சிவக்குமார் நடத்திய பேச்சுவார்த்தை முடிந்தது. டிகே சிவக்குமார் இதையடுத்து தம்பி டிகே சுரேஷ் உடன் டிகே சிவக்குமார் காரில் புறப்பட்டு சென்றார்.

2:06 PM, 17 May

முதல்வராக சித்தராமையா! துணை முதல்வராக டிகே சிவக்குமார்! நாளை பெங்களூரில் பதவியேற்பு! தயாராகும் மேடை

2:10 PM, 17 May

கர்நாடக முதல்வராக சித்தராமையாவை தேர்ந்தெடுத்த ராகுல் காந்தி முடிவில் டிகே சிவகுமார் அதிருப்தி
டிகே சிவகுமார், சகோதரர் டிகே சுரேஷ் மல்லிகார்ஜுன கார்கேயிடம் ஆலோசனை

2:21 PM, 17 May

பெங்களூரில் சித்தராமையா ஆதரவாளர்கள் பட்டாசுகள் வெடித்து கொண்டாட்டம்
கர்நாடக முதல்வராக சித்தராமையாவை முன்னிறுத்த காங்கிரஸ் தலைமை முடிவு செய்த நிலையில் கொண்டாட்டம்

#WATCH | Bengaluru: Supporters of senior Congress leader Siddaramaiah celebrate and burst firecrackers ahead of the decision on #KarnatakaCM post pic.twitter.com/n7rbwohw6p
— ANI (@ANI) May 17, 2023

2:26 PM, 17 May

கார்கேவிடம் கடைசிகட்ட முயற்சிகளில் ஈடுபட்டுவருகிறார் டிகே சிவகுமார்

2:26 PM, 17 May

அறுதி பெரும்பான்மை பெற்ற நிலையில் முதல்வர் பதவியை விட்டுத்தர டிகே சிவகுமார் விரும்பவில்லை

2:28 PM, 17 May

முதல்வர் பதவியை குறிப்பிட்ட காலக்கெடுவில் பகிர டிகே சிவகுமார் ஒப்புக்கொள்ளவில்லை

3:45 PM, 17 May

முதல் இரண்டு வருடம் சித்தராமையாவிற்கு முதல்வர் பதவி, அடுத்த 3 வருடம் டிகே சிவகுமாருக்கு முதல்வர் பதவி என்று காங்கிரஸ் மேலிடம் வழங்கிய வாக்குறுதியை சிவகுமார், ஏற்க மறுப்பதாக தகவல்.

3:46 PM, 17 May

பல்வேறு மாநிலங்களில் இது போன்ற ஒப்பந்தத்தை முதலில் முதல்வராகும் நபர் மீறியதால், அதை குறிப்பிட்டு டி.கே.சிவகுமார் ஆதங்கம் தெரிவிப்பதாக டெல்லி வட்டார தகவல்கள் தெரிவிக்கின்றன.