கர்நாடக முதல்வர் சித்தராமையா மகன் உடல் நிலை சீரியஸ்.. பெல்ஜியம் நாட்டில் சிகிச்சை

பெங்களூர்: கர்நாடக முதல்வர் சித்தராமையாவின் மகன் ராகேஷ் உடல்நலக்குறைவால் பெல்ஜியம் நாட்டிலுள்ள மருத்துவமனையில் சிகிச்சைக்காக சேர்க்கப்பட்டுள்ளார்.

பெல்ஜியம் நாட்டுக்கு சுற்றுலா சென்ற இடத்தில் ராகேஷுக்கு உடல் நலக்குறைவு ஏற்பட்டுள்ளதாகவும், அவருக்கு உரிய சிகிச்சையளிக்க வெளியுறவு அமைச்சர் சுஷ்மா சுவராஜ் உதவியை சித்தராமையா நாடியதாகவும் தகவல் வெளியாகியுள்ளது.

ராகேஷ் உடல் நிலை மோசமாக இருப்பதாக தகவல்கள் வெளியாகியுள்ள நிலையில், சித்தராமையாவின் மனைவியும், 2 மகள்களும் ராகேஷை சந்திக்க பெல்ஜியம் புறப்பட்டுள்ளனர். அதேநேரம், ராகேஷ் விபத்தில் படுகாயமடைந்து சிகிச்சை பெற்றுவருவதாக அதிகாரப்பூர்வமற்ற தகவல்களும் கசிந்துள்ளன.

English summary

Karnataka Chief Minister Siddaramaiah's son Rakesh has fallen ill while on an European tour and has been hospitalised in Belgium, the CM's social media managers tweeted on his official account on Wednesday.