கர்நாடகா சட்டசபை தேர்தல் 2018: மாலை 5 மணிவரை 64.5% வாக்குகள் பதிவு

கர்நாடகா சட்டசபைக்கு இன்று தேர்தல் நடைபெறுகிறது.

பெங்களூரு: கர்நாடகா சட்டசபை தேர்தல் வாக்குப் பதிவு காலை 7 மணிக்கு தொடங்கிய மாலை 6 மணிவரை நடைபெற்றது. மாலை 5 மணிவரை சுமார் 65% வாக்குகள் பதிவாகி இருந்தன.

கர்நாடகாவில் மொத்தம் 224 சட்டசபை தொகுதிகள் உள்ளன. இதில் ஜெயநகர் தொகுதி பாஜக வேட்பாளர் விஜயகுமார் கடந்த 4-ந் தேதி காலமானார். இதனால் அத்தொகுதிக்கு தேர்தல் நடைபெறவில்லை.

அதே போல் ராஜ ராஜேஸ்வரி நகர் தொகுதியில் 10,000 வாக்காளர் அடையாள அட்டைகள் கைப்பற்றப்பட்டன. அத்தொகுதியிலும் தேர்தல் ஒத்திவைக்கப்பட்டு மே 28-ந் தேதி வாக்குப் பதிவு நடைபெறுகிறது.

இதர 222 தொகுதிகளில் இன்று காலை 7 மணிக்கு வாக்குப் பதிவு மாலை 6 மணிவரை நடைபெற்றது. மொத்தம் 2,600 வேட்பாளர்கள் களத்தில் இருந்தனர்.

4,96,82,357 வாக்காளர்கள் வாக்களித்தனர். இவர்களில் 2,52,05,820 பேர் ஆண் வாக்களர்கள்; 2,44,71,979 பேர் பெண் வாக்காளர்கள். 4,552 பேர் மூன்றாம் பாலின வாக்காளர்கள்.

மாநிலம் முழுவதும் 56,696 வாக்குச் சாவடிகள் அமைக்கப்பட்டன. வாக்குப் பதிவை முன்னிட்டு பலத்த பாதுகாப்பு ஏற்பாடுகள் செய்யப்பட்டன. இன்று 222 தொகுதிகளில் பதிவான வாக்குகள் வரும் 15-ந் தேதி எண்ணப்பட்டு முடிவுகள் அறிவிக்கப்படும்.

English summary

Karnataka Election 2018 Live Updates: Check the latest updates on Karnataka Assembly Elections 2018 Polls. Voting in 222 Assembly seats to begin at 7 am.