கர்நாடக தேர்தல்: பாஜக வேட்பாளர்களில் ஒருவர் கூட முஸ்லிம் இல்லை.. லிங்காயத்துகளுக்கு தனி மதிப்பு!

கர்நாடக மாநில சட்டசபை தேர்தலுக்காக பாஜக வெளியிட்டு இருக்கும் முதற்கட்ட வேட்பாளர் பட்டியலில் ஒரு முஸ்லிம் கூட இடம்பெறவில்லை.

பெங்களூர்: கர்நாடக மாநில சட்டசபை தேர்தலுக்காக பாஜக வெளியிட்டு இருக்கும் முதற்கட்ட வேட்பாளர் பட்டியலில் ஒரு முஸ்லிம் கூட இடம்பெறவில்லை.

கர்நாடக சட்டசபை தேர்தல் ஏற்பாடுகள் தற்போது சூடுபிடித்து இருக்கிறது. வரும் மே 12ம் தேதி வாக்குப்பதிவும், மே 15ம் தேதி வாக்கு எண்ணிக்கையும் நடைபெறும் என்று தேர்தல் ஆணையம் அறிவித்துள்ளது.

இதற்காக காட்சிகள் தீவிரமாகா பிரச்சாரம் செய்ய களத்தில் இறங்கியுள்ளது. இந்த நிலையில் கர்நாடகா தேர்தலுக்காக பாஜக கட்சி முதற்கட்ட வேட்பாளர் பட்டியலை வெளியிட்டு இருக்கிறது.

இஸ்லாம் வேட்பாளர்கள்

இந்த முதற்கட்ட பட்டியலில் 72 பேர் இருக்கிறார்கள். இதில் ஒரு முஸ்லிம், கிறிஸ்துவ, ஜெயின் இன வேட்பாளர் கூட இடம்பெறவில்லை. இந்துக்களுக்கு மட்டுமே இந்த வேட்பாளர் பட்டியலில் அதிக முக்கியத்துவம் கொடுக்கப்பட்டு இருக்கிறது. இன்னும் இரண்டாம் கட்ட வேட்பாளர் பட்டியல் வெளியிடப்படவில்லை.

லிங்காயத் வேட்பாளர்கள்

இதில் லிங்காயத்துகள் அதிக அளவில் இடம்பெற்று இருக்கிறார்கள். மொத்தமாக 72 பேரில் லிங்காயத்துகள் 21 பேர் இடம்பெற்றுள்ளனர். லிங்காயத்துகளுக்கு கர்நாடக மாநில காங்கிரஸ் அரசு தனி மத அங்கீகாரம் கொடுத்தது. இதனால் அந்த ஓட்டுக்களை காங்கிரஸ் பெறும் என்று கூறப்படுகிறது. இதை பெறுவதற்காக பாஜக லிங்காயத்துகளுக்கு முக்கியத்துவம் கொடுத்துள்ளது.

மற்ற வேட்பாளர்கள்

அதேபோல் இதில் 10 தாழ்த்தப்பட்ட மக்கள் வேட்பாளர்களாக இருக்கிறார்கள். 10 வோகலிகாஸ், 19 பிறப்படுத்தப்பட்ட மக்கள், 5 பிராமணர்கள் இடம்பெற்று இருக்கிறார்கள். இதில் அந்த கட்சியின் முக்கியமான வேட்பாளர்கள் யாருமே இடம்பெறவில்லை என்று கூறப்பட்டுள்ளது.

பிற கட்சியினர்

இதில் மற்ற கட்சியில் இருந்து பாஜக கட்சியில் சேர்ந்த வேட்பாளர்களுக்குத்தான் அதிக முக்கியத்துவம் கொடுக்கப்பட்டுள்ளது. முன்னாள் எம்.எல்.ஏக்களுக்கும் இந்த முறை அதிக வாய்ப்பு கொடுத்துள்ளது. இன்னும் சில தினங்களில் இரண்டாம் கட்ட வேட்பாளர் பட்டியல் வெளியிடப்படும்.

English summary

No Muslim gets chance in the first list of BJP candidates. In 72 member list, 21 people are Lingayaths, and other people are Hindus.