பெண்கள் பாதுகாப்பு பற்றி பேச உங்களுக்கு தகுதியில்லை.. எடியூரப்பா, சித்தராமையா டிவிட்டர் போர்!

சட்டசபையில் ஆபாச படம் பார்த்த எம்எல்ஏக்களுக்கு இந்த தேர்தலில் வாய்ப்பு வழங்கிய பாஜக, பெண்கள் பாதுகாப்பு பற்றி பேசலாமா என்று கர்நாடக முதல்வர் சித்தராமையா டிவிட் செய்துள்ளார்.

பெங்களூர்: சட்டசபையில் ஆபாச படம் பார்த்த எம்எல்ஏக்களுக்கு இந்த தேர்தலில் வாய்ப்பு வழங்கிய பாஜக, பெண்கள் பாதுகாப்பு பற்றி பேசலாமா என்று கர்நாடக முதல்வர் சித்தராமையா டிவிட் செய்துள்ளார். பெண் பாதுகாப்பு பற்றிய எடியூரப்பாவின் டிவிட்டிற்கு அவர் இப்படி பதில் அளித்துள்ளார்.

கர்நாடக சட்டசபை தேர்தல் ஏற்பாடுகள் மும்முரமாக நடந்து வருகிறது. வரும் மே 12ம் தேதி வாக்குப்பதிவும், மே 15ம் தேதி வாக்கு எண்ணிக்கையும் நடைபெறும் என்று தேர்தல் ஆணையம் அறிவித்துள்ளது. மொத்தம் 224 தொகுதிகளுக்கு தேர்தல் நடக்க உள்ளது.

இதற்காக கட்சிகள் தீவிரமாக பிரச்சாரம் செய்ய களத்தில் இறங்கியுள்ளது. பாஜக, காங்கிரஸ் இரண்டு கட்சிகளும் எதிரணியினரை வார்த்தைகள் மூலம் தாக்கிக் கொண்டுள்ளனர்.

டிவிட்டர் சண்டை

தற்போது தேர்தல் களத்தில் எப்படி பிரச்சாரம் சூடுபிடித்து இருக்கிறதோ, அதே அளவிற்கு சமூக வலைத்தளங்களிலும் விவாதம் சூடு பிடித்துள்ளது. முக்கியமாக சித்தராமையாவின் ஐந்து வருட ஆட்சியை எதிர்த்து பாஜக டிவிட்டரில் பிரச்சாரம் செய்து வருகிறது. அதே சமயம் சித்தராமையாவும், காங்கிரஸ் கட்சியின் ஐடி செல்லும் இதற்கு தொடர்ந்து பதில் அளித்து வருகிறது. இதில் சுவாரசியமான சம்பவங்களும் நடந்து வருகிறது.

Women safety & security has clearly not been the priority for @siddaramaiah govt. Bengaluru once reputed to be a safe city, has now earned the title of being an unsafe city in the country. @BJP4Karnataka is committed to the welfare of women in all fields! #MahilaShakthiWithBJP

— B.S. Yeddyurappa (@BSYBJP) April 28, 2018

எடியூரப்பா செய்த டிவிட்

இந்த நிலையில் எடியூரப்பா ஒரு டிவிட் செய்துள்ளார். அதில் ''சித்தராமையாவின் அரசிற்கு பெண்களின் பாதுகாப்பு எப்போதும் முக்கியமான ஒரு விஷயம் கிடையாது. ஒரு காலத்தில் பெங்களூர் பெண்களுக்கு பாதுகாப்பான நகரமாக இருந்தது. ஆனால் இப்போது இந்தியாவில் பெண்களுக்கு மிகவும் பாதுகாப்பற்ற நகரமாக பெங்களூர் மாறியுள்ளது. கர்நாடக பாஜக பெண்களின் நலனுக்காக சிறப்பாக செயல்பட்டு வருகிறது.'' என்றுள்ளார்.

You gave 3 tickets to those who watched porn in Assembly. Your party MLA in UP accused of rape gets protection from law & victim‘s father dies in police custody. Your party MLAs in J&K defend child rapists. This is your track record. How can Mahila Shakti be with BJP? https://t.co/jQFUOcUkmB

— Siddaramaiah (@siddaramaiah) April 28, 2018

சித்தராமையா பதில்

இதற்கு சித்தராமையா பதில் அளித்துள்ளார். அதில் ''பாஜக அறிவித்து இருக்கும் வேட்பாளர் பட்டியலில், 3 பேர் சட்டமன்றத்தில் ஆபாச படம் பார்த்தவர்கள். உங்கள் பாஜக கட்சியை சேர்ந்த உத்தர பிரதேச எம்எல்ஏ வன்புணர்வு வழக்கில் குற்றஞ்சாட்டப்பட்ட பின்பும் அரசு அவரை பாதுகாக்கிறது, பாதிக்கப்பட்ட பெண்ணின் தந்தை போலீஸ் கஸ்டடியில் மரணம் அடைகிறார். காஷ்மீர் வன்புணர்விற்கு உங்கள் கட்சியினர் ஆதரவு தெரிவிக்கிறார்கள். இதுதான் உங்களின் வரலாறு. பாஜகவில் பெண்களின் சக்தி எப்படி இருக்கும்'' என்றுள்ளார்.

Goons with your party’s blessing attack young men & women in the name of moral policing. You guys want to regulate women’s dresses. Trolls associated with your school of thought routinely harass & bully women journalists on Twitter. How do you expect Mahila Shakti to be with BJP?

— Siddaramaiah (@siddaramaiah) April 28, 2018

பாஜகவினர் பெண்களுக்கு எதிரானவர்கள்

மேலும் ''உங்கள் கட்சியில் இருக்கும் அடியாட்கள் கட்சியின் அனுமதியுடன் இளம் ஆண்களையும் பெண்களையும் கலாச்சாரம் என்ற பெயரில் தாக்குகிறார்கள். பெண்கள் எப்படி ஆடை அணிய வேண்டும் என்று நீங்கள் கட்டுப்படுத்த நினைக்கிறீர்கள். உங்கள் ஆட்களிடம் இருந்து வரும் டிவிட்டுகள் எப்போதும் பெண்களை இழிவுபடுத்தி, பெண் பத்திரிக்கையாளர்களை தாக்கி அதிகம் இருக்கிறது. எப்படி உங்கள் ஆட்சியில் பெண்களுக்கு சக்தி இருக்கும் என்று எதிர்பார்க்கிறீர்கள்?'' என்று கேள்வி கேட்டுள்ளார்.

English summary

War starts in Twitter between Siddaramaiah and Yeddyurappa due to Karnataka election. Yeddyurappa condemned government's stand on Women safety in Bengaluru, but Siddaramaiah replied Yeddyurappa perfectly with lot of examples on how BJP'ians done things against Women safety.