கர்நாடகாவில் பாஜக, காங். இடையே 2 சதவீத வாக்குகள் மட்டுமே வித்தியாசம்... ஏபிபி சர்வே முடிவு!
கர்நாடகாவில் பாஜக, காங்கிரஸ் வாக்குவங்கி இடையே 2 சதவீதம் மட்டுமே வித்தியாசம் இருப்பதாக ஏபிபி நியூஸ் கருத்துக்கணிப்பு முடிவுகள் தெரிவிக்கின்றன.
பெங்களூரு: கர்நாடகா சட்டசபையில் பாஜக, காங்கிரஸ் வாக்குவங்கி இடையே 2 சதவீதம் மட்டுமே வித்தியாசம் இருப்பதாக ஏபிபி நியூஸ் கருத்துக்கணிப்பு முடிவுகள் தெரிவிக்கின்றன. பாஜகவிற்கு 35 சதவீதம் வாக்கு வங்கியும், காங்கிரஸ் கட்சிக்கு 37 சதவீத வாக்குவங்கியும் இருப்பதாக கருத்துக்கணிப்பு சொல்கிறது.
கர்நாடகா சட்டசபைக்கு அடுத்த மாதம் 12ம் தேதி நடக்கப்போகும் தேர்தலில் ஆளும் காங்கிரஸ் கட்சியை பாஜக தோற்கடிக்குமா என்பது தேசிய அரசியலில் மிகவும் உற்றுநோக்கப்படுகிறது. தென்மாநிலத்தில் பாஜக காலூன்ற இந்தத் தேர்தலில் வெற்றி பெற வேண்டும் என்ற முனைப்போடு அந்தக் கட்சியின் தேசியத் தலைவர் அமித்ஷா கர்நாடகாவில் முகாமிட்டு தீவிர தேர்தல் பிரச்சாரத்தில் ஈடுபட்டுள்ளார்.
கர்நாடக கள நிலவரம் பற்றி ஏபிபி செய்தி சேனல் நடத்திய கருத்துக்கணிப்பு முடிவுகளை வெளியிட்டுள்ளது. இந்த முடிவுகளின் படி
கர்நாடகாவில் பாஜக வாக்கு வங்கி 35 சதவீதமாக உள்ளதாக தெரிவித்துள்ளது. காங்கிரஸ் கட்சிக்கு 37 சதவீத வாக்கு வங்கியும்,
மதசார்பற்ற ஜனதாதளத்திற்கு 20 சதவீத வாக்கு வங்கி உள்ளதாக கருத்துக்கணிப்பு முடிவுகள் சொல்கின்றன. இதர கட்சியினர் 8 சதவீத வாக்குகளை பெற வாய்ப்பு இருப்பதாகஏபிபி சர்வே கூறுகிறது.
Click it and Unblock the Notifications
Sign in with Google