கர்நாடகத்தில் காங்கிரஸ் கட்சி வெல்லும்- இந்தியா டுடே ஆக்ஸிஸ் மை இந்தியா எக்ஸிட் போல்

கர்நாடகத்தில் காங்கிரஸ் கட்சி வெல்லும் என ஆக்ஸில் மை இந்தியா எக்ஸிட் போல் கருத்து கணிப்பை வெளியிட்டுள்ளது.

பெங்களூர்: கர்நாடகத்தில் காங்கிரஸ் கட்சி 106 முதல் 118 இடங்களில் வெல்லும் என ஆக்ஸில் மை இந்தியா எக்ஸிட் போல் கருத்து கணிப்பை வெளியிட்டுள்ளது.

கர்நாடக மாநிலத்தில் இன்று சட்டசபை தேர்தல் நடைபெற்றது. இந்த தேர்தலில் காங்கிரஸ் , பாஜக , மதசார்பற்ற ஜனதா தளம் ஆகிய கட்சிகள் கடும் போட்டியிட்டன.

இந்த தேர்தலில் 75 சதவீத வாக்கு பதிவு நடைபெற்றிருக்கும் என கூறப்படுகிறது. இதையடுத்து தேர்தலுக்கு பிந்தைய கருத்து கணிப்புகளை ஆங்கில செய்தி நிறுவனங்கள் வெளியிட்டன.

மொத்தம் 222 தொகுதிகளுக்கு நடைபெற்ற வாக்கு பதிவில் 112 இடங்களில் வெற்றி பெறும் கட்சியே ஆட்சி அமைக்கும். அந்த வகையில் இந்தியா டுடே மற்றும் ஆக்ஸிஸ் மை இந்தியா நடத்திய கருத்து கணிப்பில் காங்கிரஸ் கட்சி 106- 118 இடங்களை பிடித்து ஆட்சியை தக்க வைத்து கொள்ளும்.

பாஜக 79 முதல் 92 தொகுதிகளிலும் மதசார்பற்ற ஜனதா தளத்துக்கு 22 முதல் 30 தொகுதிகளும் மற்ற கட்சிகளுக்கு 1 முதல் 4 இடங்களும் கிடைக்கும் என கூறப்பட்டுள்ளது.

English summary

Karnataka exit poll 2018: India Today Axis My India exit poll says that congress will win up to 118 seats.