"குருமி சத்திரிய" ரஜினிக்கு கர்நாடக லிங்காயத்து சங்கம், மகாராஷ்டிரா சமாஜ் பிறந்த நாள் வாழ்த்து!
பெங்களூர்: நடிகர் ரஜினிகாந்த்துக்கு கர்நாடகா லிங்காயத்து சங்கம் மற்றும் மகாராஷ்டிரா குருமி சமாஜ் ஆகியவை பிறந்த நாள் வாழ்த்துகளைத் தெரிவித்துள்ளன.
நடிகர் ரஜினியின் 64வது பிறந்த நாளை அவரது ரசிகர்கள் கொண்டாடி வருகின்றனர். பிரதமர் மோடி, திமுக தலைவர் கருணாநிதி உள்ளிட்ட தலைவர்களும் ரஜினிக்கு வாழ்த்துகளைத் தெரிவித்து வருகின்றனர்.
ரஜினிக்கு சமூகவலைதளங்களில் அவர் பிறந்த மாநிலமான கர்நாடகாவில் இருந்தும் அவரது மூதாதையர்களின் மாநிலமான மகாராஷ்டிராவில் இருந்தும் வாழ்த்துகள் குவிகின்றன.
ஃபேஸ்புக்கில் மகாராஷ்டிரா குருமி சமாஜ் அமைப்பினர், "நமது குருமி சத்திரிய" நடிகர் ரஜினிகாந்த் (சிவாஜிராவ் கெய்க்வாட்)க்கு பிறந்த நாள் வாழ்த்துகள் என்று பதிவிட்டுள்ளனர்.
இந்தப் பதிவை ஷேர் செய்து கர்நாடகா வீரசைவ லிங்காயத்து சங்கமும் ரஜினிகாந்த்துக்கு வாழ்த்துகளைத் தெரிவித்துள்ளது.